Heartfilia's Premises

Chapter 1

"Welcome to Heartfilia Academy, Miss Lowrie," masayang sambit ni Miss Pedregosa na dean ng Academy na ito.

Agad ko namang inabot ang nakalahad niyang kamay.

"Thank you Ma'am. It's a privilege being here." Kahit napilitan lang talaga ako.

"Enjoy your third year of college," dagdag niya pa at tinawag na ang secretary niya. Senyales na ihatid ako sa labas.

Muli ay nagpaalam ako atsaka sumunod kay Miss Secretary na hindi ko pa alam ang pangalan.

"Miss Aleighna Lowrie," baling niya sa akin.

"Leigh na lang po Ma'am."

"Ok. Leigh. I'll just call the SCB Secretary to lead you to your dorm and tour you around the campus. Have a sit first."

"Yeah, sure Ma'am, thank you."

Umupo na lang ako at iginala ang paningin ko sa labas ng bintana kung saan tanaw na tanaw ko ang quadrangle.

Malaki nga ito, halatang pangmayaman na school.

Bigla akong napaayos sa pagkakaupo nang mapagtanto ang nadatnan ko nang pumasok ako kanina sa campus na ito. Ang tahimik. I mean ang daming estudyante sa paligid pero sobrang tahimik.

Napailing na lamang ako dahil dito at sakto namang dating ng isang estudyante at sa palagay ko ay siya ang kanina ko pang hinihintay.

"Miss Aleighna Lowrie?" tanong niya at agad akong tumayo at tinanguan ko siya.

Nagsimula na kaming maglakad-lakad at 'yong gamit ko ay pinakuha niya na lang sa isa pang estudyante.

"Dito muna tayo sa Building A," saad niya na parang naiilang.

"Wait. Kanina pa tayo naglalakad but I still don't know your name," pigil ko sa kaniya na naging dahilan naman ng pagtigil niya at paglingon sa akin.

"I'm Joseph, Joseph Fuentes."

Inilahad ko ang kamay ko sa kaniya pero laking gulat ko nang tanggihan niya ito at tipid lang na ngumiti. O... kay?

"I'm sorry Miss Lowrie but half of this first floor, specifically the right side are computer-related courses and the other half, which is obviously the left one, belongs to the engineering students."

Tumango-tango lang ako habang sinisilip ang loob ng rooms. Maganda, malaki and lahat airconditioned. Dalawang malalaking bintana lang ang nagiging dahilan kung bakit ko sila nakikita.

Ilang minuto rin kaming nag-ikot sa ground floor bago siya nagpasyang tumuloy na sa 2nd floor.

"Dito naman sa second floor ay art-related. This is what we call here the Leisure Floor. Room 214."

Binuksan niya ang isang room at namangha ako nang makita ko ito. Puno ito ng paintings at sobrang ganda.

"Pwede kang magpalipas ng oras dito."

"Really?" hindi makapaniwalang tanong ko sa kaniya at nilibot ko pa ito.

"Yes. Huwag ka lang maliligaw dito kung may klase ka."

My heart is really screaming colors. Ito na yata ang magiging tambayan ko rito.

Akmang hahawakan ko na ang isang mosaic na nakasabit sa wall nang bigla siyang magsalita.

"Those paintings at the wall are not supposed to be touched."

Hindi ko siya pinansin dahil namamangha talaga ako sa mosaic. It was a sailing boat and it looked so realistic.