ذكرياتي المؤلمة

الورقة الخمسون

كان كيجري فالمستشفى بحال المجنون وخرج منها وملقا ليها حتى شي أثر قرر يمشي لعند صاحبو ربما يساعدو وحلف أنو هد النهار ميرتاح حتى يلقاها..
أما فسيارة المحجوب كان صلاح كاعي وقال"واش أنت مريض توقف قدامك ومقدرت تشدها وشنو دبا ربعو أيدينا" "أنا صافي عفيني أنا غادي نطلقها" "هههه ضحكتيني نتا تزوجت بيها باش طلقها شوف دخول الحمام ماشي بحال خروجو وانت متورط معايا فاحسن ليك تسمع لكلام أو تكمل هاد العيمان لي بقا وليك فالحبس وأنت عارفني وعلاش قاد" المحجوب سكت وندم علاش وافق وفجأة وصلتو مكالمة مكنش كيتخيلها وفتح الخط وقلبو كيضرب " الو آ بابا أنا سهيل أنا عارف بلي آ اممم أنت ماشي الأب ديالي ولا حتى الام هي أمي لكن أنا الحداعشر سنة لي عشتهم معاك وربيتني كاني منك منسيتهمش و أنا قررت انجي نكمل حياتي حداك ونكون إبنك لي ماولدتو وتكون لي الأب لي تمنيتو أنا الاسبوع الجاي ندخل البلاد ونتاصل بيك مع السلامة" المحجوب كان كيببكي من الفرحة والبهجة والصدمة والأمل فحياة نقية أما صلاح فاشاف المحجوب ويصحابليه كيبكي من الخوف وقال بإستهزاء "ياودي ياودي على الرجال ياله احبيبي تحرك" كانو غادين وفلحظة صلاح غوت على المحجوب "وقف" وقف المحجوب فجأة حتي سيارة عطات صوت ودار كلشي لي كان فالشارع وحتى هي لي أول ما جات تهرب حتى شدها صلاح وبقات تغوت وتبكي صرفقها صلاح بقوة حتى سخفت وهزها ركبها فالسيارة وقال للمحجوب بعصبية "واش غنبقاو واقفين تحرك....
وصلو لدار المحجوب وحطها فالبيت فاقت ملاك ولقات بجوج كيشوفو فيها المحجوب بحزن وصلاح بإستهزاء وقال "على سلامة الأميرة فاقت" قالت ملاك بكره "أنت شنو" "هههه أنا شيطان" "فعلا أنت شيطان وأنا كنكرهك وكنكره النهار لي دخلت حيتنا شنو بغيتي عندي دعيتك لله" "أنا لبغيت متقدريش تحمليه أنا لي كنكرهاك لأنك كتفكريني بيه مكتصوريش كون قدرت منحيك من الوجود" ستغربت ملاك من كلامو وقالت "بيه شكون هدا" "شكون غير الوالد العزيز لي خطف مني ملاك على الأرض خطف مني امك لي كنت كنتمناها ليا لي شكا بيا المستشفى أني كنبيع الأدوية وكناخد رشوة" ملاك والمحجوب تصدمو من اعترف صلاح لي كان كيفكر وقال"أنا منكرش أني كنت أناني ومتهور كنسرق الأدوية وكناخد الرشوة وكل المصائب ولكن هي ملي جات كانت كيف النسمة بريئة الملامح وضريفة ولي شافها كيبغيها وأنا شفتها حبيتها كنت وطلبتها لزواج ورفضتني على قبلو على قبل خدام عندهم معندو مستوى ولكن أنا مسكتش نتقمت منو من بعد ما ماتت الأم ديالك صيفط ليه السعديا لي كانت كتخاف مني وكتبغيني ههههه لكن هو ضعيف الشخصية مبغاش يدير شي حاجة خاسرة  وقرر يتزوجها ولدت معاه وكانت كتعطيه دوا باش يضعف قلبو هههه ومرض ومات أيوا كبرتي أنت وليتي كتفكريني فيه شباه فكلشي وكملتيها وجملتيها فضحتيني قدام سعديا وأنا مخايفش منها لكن لأنو بينا إتفاق لا أنا نتزوج عليها ولا هي تفضحني ودابا أنتوما دابا عرفتيو حجايتي " ملاك تصدمات من اعترافو وقالت"ميمكنش أنت.." "ههه شيطان عارفة" ناط صلاح وقال للمحجوب "أنا غادي وحطيها حتى رجع خطأ و واحد وتعرف اش كنسوا" خرج صلاح وخلا وراه مصدومين من اعترافو ملاك بقات كتبكي ودار لعندها المحجوب وقال "باركا عليك من البكا ودخلي تستارحي" وقالت وهي كتبكي"فرق مني أنت شيطان بحالك بحالو أنا معمرني نسمحلك الله ينتاقم منكم" "المحجوب خاف وقال"أنا مشي بحالو ومعمرني نكون بحالو" " ماشي بحالو وهدشي لي حنا فيه شنو سميتو" "شوفي آ ملاك أنا منكرش أني بغيتك وتمنيتك تكوني لي وحلالي ولكن برضاك" قاطعتو ملاك وقالت " برضايا ههه ضحكتني" "سمعيني آ آ ملاك أنا غلطة وخصوصا ملي سمعت لصلاح وأنا مستعد نصلح الخطأ لكن أنا بغيت وعد منك أنك مدكرينيش إلا بالخير أنا بغيت نعيش الأيام لي بقات لي فلحلال وفراحة مبغيت مشاكيل مابغيت نعرف صلاح" ملاك تفاجأة من كلامو وقالت "أنت مستعد تخليني نمشي فحالي" "بلاتي" ناط المحجوب ومشا لبيت ورجع فايدو شي ورقة وحزام لأول ما شافتو ملاك تصدمة وتفكرتو وشافت أنها نساتو محستش بيه "هانتي هادو ورق الزواج لي زورهم صلاح وباش تأكدي وتطمني ها" قطع المحجوب لورق قدام ملاك لي حست بالدنيا كتبتاسم ليها من جديد "وهدا حزامك أنا لحطت فيه الأوراق ولكن ماقريتهم وكلشي فيه هاك باش تأكدي وأنت حرا دابا" هزت ملاك لوراق وتأكدة أنهم سليمين وما خص حتى شي ورقة وشافت فيه وقالت "علاش" قال"لأنك بنت لحلال وأنت تستاهلي كل خير ياله تاصلي بحسن خليه يجي ياخدك لأني نخاف صلاح يكون هنا وأنا بغيت نتكلم معاه" "واخا" ناطت ملاك كتجري تقلب على التلفون لي كان طافي وخاصو شحن....