ذكرياتي المؤلمة

الورقة الرابعة

داز اسبوع على زهرة وهي باقي عند الناس وباقي فنفس الحالة مزال ما تفكرت شكون هي، ولفت عندهم وهما ولفوها وخصوصا الحاجة سعاد لي لقات لي يسمعها ويتكلم معاها وخا عندها بنتها ولكن ما مساليا ليها و مع لقرايا وكانت زهرة كتشوف حسن مرا مرا وخا تمنات تشوفو كل يوم لكن كان مكيقرب ليها ومعرفت واش سبب انها غريبة او انو هو هكاك لكن اليوم قالت ليها الحاجة شي معلومات ماكانوش فراسها على حسن بانو كان متزوج وماتت زوجتو فحادت وتأثر بزاف بموتها لكن زهرة معرفت واش  تفرح لهاد المعلومات ولا تحزن ولكن  خاصها تحزن على راسها لي مشات ليها الذاكرة هدشي فكرت فيه ومنتابهت انو حسن دخل وبقا كيشوف فيها وقال مع راسو فاش كتفكر هد المخلوقة يمكن كتفكر شنو سميتها بانت لو ضعيفة بحال شي بنت صغيره
"اح ..احم" تنحنح حسن وفزعت زهرة من الخلعة
"سي حسن ما نتابهت انك هنا"
"شتك متعمقة فالتفكير ربما تفكرتي شي حاجة"
سكتت زهرة ومعرفت باش غاتجاوب لانو تفكيرها كان فجهة ثانية
"على العموم مضغطيش على راسك" وبقات ساكتة مرا اخرى وبقا حسن كيشوف فيها وهو يقول ليها
"الا بغيتي وكنتي مرتاحة شي يوم نخرجك تسراي" "نخرج انا ..اناوانت.ااو.. فين مكرهت اكيد بغيت نخرج"حست بالاحراج وسدت فمها قبل ما تقول شي كلمة تانية كانت مرتابكة وفرحانة اول مرا تخرج من بعد الحادث ومع من مع حسن،بتاسم حسن وقال"ادن حنا متفقين"بتاسمة وفكرت اخيرا غادي نخرج ونشوف الناس نتمى نتفكر شي حاجة "بغيت نسولك زهرة"نتابهة زهرة بلي حسن كيتكلم معاها "تفضل"
"بغيت نسولك واش كتعرفي ديري شي حاجة يعني كتقراي ..يعني عارفة شي حاجة صراحة انا مبغيتك تبقاي غا جالسة فدار بدو عمل فهتي! "
"اه طبعا فهمتك"فكرت شوي وقالت "انا لاحظة اني كنفهم العربية والفرنسية وكنعرف نقراها ونكتبها"
"مزيان ادن غادي نشوفلك شي عمل عندي وتبداي هذا الاسبوع"تفجأة زهرة "هدا الاسبوع"
"اه عندك شي اعتراض"
"لا ابدا بلعكس" فرحة زهرة بهدا القرار وكأنها كانت كتمنى هدشي من زمان* زهرة خدامة* جاتها هد الكلمة عجيبة او غريبة انها تكون خدامة هدشي كيفرح ول الاكتر منو انها غادي تخدم عند حسن.حسن لي ولات كتفكر فيه بزاف وخا انها ياله بدات كتعرف عليه وكتقرب منو وهذا الاحساس جديد عليها من بعد ما كانت تحس بالحزن والغربة لانها فاقدة ذاكرة والخوف اه الخوف من انو يكون عندها ماضي او شخص فحياتها ويا خوفها من الايام لجاية.