ذكرياتي المؤلمة

الورقة الثالثه

ماكانت زهرة تتوقع انها غادي تلقى منزل السيد حسن بهذا الحجم وبهذه الفخامة وحست كانها في مسلسل من المسلسلات العربيه او التركية كان كل شي جاهز واب الاسرة على راس المائدة وكل افراد الاسرة موجودين الا السيد حسن وحست زهرة بالفراغ مع انها تصدمت من هد الاحساس ،كل شي كيشوفو فيها حتا اختو صغيرة واحست بالانزعاج وجلست فاقرب كرسي بان ليها فطرو بصمت لان الاب كان شديد وحازم ،انتهى الافطار بهدوء وقام الاب هو الاول وعاد قامو اولادو بجوج بيهم وتبعوه ودارت لعندها الحاجة سعاد "فطري يا بنتي وسيري مع كوثر تعطيك شي لبسة من لباس حنان غاتكون قدك" قالت كوتر
" حنان اختي اكبر مني تزوجت وباقي شي حوايج عندها نساتهم" بتاسمت زهرة وتمنات لو كان عندها اخت بحال هدي من ابوها وامها وحارت زهرة من هاد الفكرة لي نزلت عليها واش حتا هيا عندها اب وام واخوات او وحيدة.عجيب هد الفقدان كيحس الانسان براسو ضعيف او كورقة بيضاء مزال  ما تسطرت ومتكتب فيها،قامت زهرة هي وكوثر وسراتها ف الڤيلا لي عايشين فيها ودخلتها لبيت حنان وعطاتها اول لبسة بانت ليها كانت فستان طويل بحال لي كيبانو فتلفازة وباين عليه غالي فالثمن لبستو زهرة وجا قدها وعجبها "اه شحال جيتي غزالة جا معاك تبرك الله"قالت كوثر هد لكلام وهي كتشوف كانها كتفكر فشي حاجة"اه زين ولكن نخاف نضيعو لاختك منقدرش لبسو "
"لا اختي مغتقول والو وثانيا هي ما محتاجه"
"شكرا معرفت بحلاش ردليكم الخير لي درتو معايا"
"عادي اي واحد يلقى شي حد مريض وفحالتك غيقوم بالواجب واكثر"
"شكرا ليك نتمنى تكون عني اختي بحالك ظريفة وزوينة"رجعت زهرة لبيتها وكتفر وباقي ما بان ليها حتى شي فكرة على حياتها سابقة وشوي ودخلت عندها الحاجة"بنتي كي بقيتي شوية رتاحي دبا وقت لغدا غادي نفيقك"
"ربي يخليك ماما سعاد كي جاتك لبستي" وقفت زهرة كدور نصف دائرة "جيتي غزالة تبرك الله ربي يحفظك لشبابك" فرحت زهرة من هد المجاملة
"ماما سعاد ممكن نزل نعاونك فاي حاجة" "لا يا بنتي غا رتاحي انا قدا بشغلاتي ونخليك دابا خاصني نسالي لغدا قبل ما يجي حسن" حسن فكرت زهرة تمنات تشوفو دابا وتسولو كيفاش حتا لقاها و ساعدها وخصها تشكرو منبعد ساعة فاقت زهرة وهي مرتاحة احسن من الاول ولكن رغم ذلك مزال ما تفكرت والو  لو انها تذكر ولو غ اسمها احست بفراغ فراغ ذاتي سمعت شي حد كيدق على الباب وصوت توحشت تسمعو وفنفس الوقت استغربت من هد التصرف "ممكن ندخل" "تفضل" دخل حسن وتقابلو عينهم بجوج وحست برجفة ياه عنيه صافيين وجهو كيبان فيه رجولة فكرت زهرة بهدشي وهي معصبة من نفسها لي كتفكر هد التفكير "كي بقيتي. قالت لي لواليدة انها سماتك زهرة حتى ترجع ليك داكرة ونعرفو شنو سميتك"
"شكرا ليك عالجتني بغيت نسولك ملي لقيتني مكنت هزا حتى شي ساك او شي"
"لا والو لقيتك سخفانة مبعيدش من هنا وجبتك لهنا وجا دكتور وشاف حالتك وعالجك هنا مبغيت نديك لمستشفى فضلت تعالجي هنا"
"معرفت بحالاش نشكرك"
"معليش شوية بشوية حتى تفكري شكون انت قالي دكتور انو فقدان ذاكرة مؤقت بسبب حاذث او صدمة" "صدمة"
"اه صدمة تقدري تكوني تصدمتي بسبب شي حد صدمة عاطفية او عائلية" زهرة بقات ساكتة ومتكلمت كتفر فكلام لي قال ليها يمكن كلامو صحيح ويمكن لا المهم كتمنى تعرف شكون هي.