ذكرياتي المؤلمة

الورقة السادسة والأربعون

اسبوع و هي على نفس الحال بكا وحزن وماكتاكلش وماكتنعس وخوف وارتباك أما حالتها الصحية فماشيا وكتضعاف خاف عليها لدرجة أنو ندم ندم شديد لأنو تزوجها حاط ليها الصينية فيها الغدا مع أنو متأكد من أنها مغاديش تاكل ديما كيف ما كيدخل عليها كيلقاها فبلاصتها متقنطا وشادة الركنة وجامعا رجليها بيديها وساهيا عايشة في عالم آخر وخرج وقبل ما يتحرك صونا التلفون ولقاه صلاح "الو أهلا.......اشنو.....شكون حسن العامراوي آه آه صافي عرفتو لاا.... أيوا فرشخك هه... اشنو فالكمساريا انتما بجوج واخا هاني جاي" المحجوب منتابهش أنو مسدش الباب وانو لكلام وصل لهيا كلو بمجرد ما دخل البيتو يبدل حوايجو هي وقفت بحال المجنونة وكتفكر*حسن جا الحمد لله ياربي أخيرا غادي نتخلص منهم أكيد هو فالكمسارية بسببي خاصني نهرب هادي هي الفرصة قبل ما يسد علي المحجوب* خرجت من البيت وقلبها بغا يسكت من الخوف أول ما فتحت الباب وشافت نور حست بطعم الحرية ومعقلتش على رأسها إلا وهي كتجري ومعرفاش فين تجري لأنها معرفاش اشمن بلاصة داها المحجوب وفين أصلا ساكن وجرات وتخلطو الدموع فعينيها  دموع الفرح لأنها هربة وحاسة بأنها غتلقى بحسن ودموع الحزن لأنها باقي مسجونة بسبب زواجها من المحجوب ولكن أملها في الله كبير....
كان بحال المجنون أول ما قال ليه صلاح ملاك تزوجة معقلش على راسو إلا وكيهاجم صلاح بقوة كرجع فيه حر كاع الألم ديال كلمة تزوجت ولو ناس ماجاو يفرقو جوقة كون صلاح مات بين ايديه فكر* مستحيل ملاك تتزوج مستحيل توافق ولي زاد جننو هو كلام صلاح لي قال أنها تزوجت بالمحجوب وبرضاها أكيد أجبرها تزوج بعد ما كانت مسافر وخصوصا أنها صيفطات لي رسالة كتحكي لي على العداب لي عدبوها*فاق على ايد فوق كتفو تلفت لقى صاحبو محمد "واش هدشي اصاحبي ههه" "كضحك عجبك الحال" "هههه بسيف ما نضحك ونتا شديت السيد فرشختو يصحاب ليك ففيلم هندي" حسن سكت شوية وقال"ملاك تزوجة" "اشنو تزوجة هكا بلا ما تعلمك ما والو وخلاتك كتحلم بيها وا...."قاطعو حسن بعصبية"محمد متظلمها ملاك متزوج" "علاش متزوج علاش ماشي من حقها آ..." "محمد الله يخليك سكوت أنت معارف والو أنا ملي كنت مسافر ملاك صيفطات لي رسالة بانهم كيتكرفصو عليها وعدبوها وأنا مكنتش مسالي ظروف أنت عارفها و.." "حسن أنا..." "خليني نكمل هي تزوجت بزز منها أنا متأكد أنهم رغموها بالمحجوب" "شكون المحجوب" "المحجوب صاحب صلاح" "المحجوب لمحجوب هداك شارف صاحب صلاح" "آه هذاك أنا قلت ليك ديك لمرا حضيحهم ولكن أنت الله يهديك" "راك عارف رآه مشيت عندها ولكن من بعد ملي بغيت راقبهم لمرا ولادة ومسليتش" "على سلامت مريم بعدا عزري ولا بنيوتا" "عزري وسميتو حسن" "آ ه هههه ربي يحفظو ليك حتى ندوز عندكم قولي شنو دابا غدي يبيتوني هنا فالكمسارية ولا شنو" "يبيتوك ونا هنا مالها سيبا بلاتي نشوف صحبي شنو دار صلاح ونجي نكملو كلمنا دخل هنا تسناني فالبيرو"...
وصل المحجوب الكوميسارية لي ماكيحملش يدخل ليها لكن ما عندو مايدير صاحب كاين تماك وخاصو يعرف اشنو واقع قلب عليه حتى لقاه جالس فوق كرسي وكيكمي السجارة وجهو كلو ضرابي المحجوب تصدم على حال صلاح وأول مرة يشوفو هكا "صلاح اربي سلامة واه وش وحدوا دارفيك هاد الحالة ولا معاه شي واحد" "وحدو ولكن والله لا بقات فيه منكونش أنا صلاح ويدار فيا هكا ونسكت"ً.....