ذكرياتي المؤلمة

الورقة السابعة

من بعد اسبوع قرر حسن باش ياخد زهرة للمستشفى للزيارة الاسبوعية لدكتور لي متابع حالتها . ومن بعد ما كشف عليها دكتور طلب من حسن يتسناه فلمكتب ديالو بين ما يتكلم مع زهرة.
"ايوا انسة زهرة اش غنقوليك هو حلم غريب صراحة وقلتي كيتكرر عندك دائما ولكن يقدر يكون متعلق بفقدان الذاكرة " "دكتور قولي صراحة ايمتا ترجعلي ذاكرتي!" "الله اعلم ولكن حالتك الان مستقراة وماشيا فتحسن وعندك رغبة باش ترجعليك ذاكرة انا ستشرت صديق ليا دكتور نفسي على الحلم ديالك وقال بانو يمكن عندو علاقة بحالة ديالك وحتا بالحالة النفسية ديالك"
" يمكن! "  "على العموم انسة زهرة هد الحصص الاسبوعية متفرطيش فيها ديما حضري والا وقع شي حاجة جديدة او حلم او حسيتي بشي الم فراسك علميني"
"اوكي دكتور" "ياله الحصة تاعتك سلات تسناي حسن فالاستقبال دابا يلحق بيك" هزت راسها وناضت متوجهة جيهت الباب وقالت " شكرا مع السلامة"
فالمكتب كان حسن كيتسنا الدكتور ويله كيرشف اخر رشفة من القهوة دخل الدكتور وقال" سي حسن سمحلي خليتك كتسنا" قام حسن من الكرسي ومد ايدو لدكتور وسلم عليه وقال"لا هانية وثانيا أنا شربت قهوة ما تسنيتك"
بتاسم دكتور ورد عليه "لا خد راحت المهم انا طلبتك لهنا  باش نتكلم معاك على حالت زهرة" توتر حسن وقال "تفضل قول اشنو بيها"
"صراحة حالتها مزيانة ولكن هذا الحلم لي دائما ك" قاطعو حسن "حلم اش من حلم!؟"
"انا عارف بلي زهرة محكات ليك والو هذا الحلم مدة وهي كتحلم بيه ومتكرر ودائما نفس الحلم " وقاطعو حسن للمرة تانية "ولكن اشمن حلم هذا وعلاش مقاتلي والو" رد عليه دكتور "هي مغديش تحكيه ليك وهي باقي مشوشة فعقلها وانت عارف بانها انسانة حساسة خاصتا مع حالت فقدان الذاكرة"  "ولكن ا دكتور هدشي انا عارفو بغيت نعرف اشنو هو هذا الحلم ليكتحلم بيه" "صراحة هو حلم غريب ومبهم مغتفهم فيه والو "وقاطعو مرا اخرى" ولكن غا قولو ليا" "هي كتحلم دائما *بنونوس*" "اشنو" "قتليك حلم غريب كتحلم *بنونوس*" بقا حسن كيشوف فيه معرفش واش يضحك ولا شنو ما فهم والو وبقا كيشوف فدكتور وهو يقوليه "عارف حلم غريب ولكن احنا كنربطوه دابا بالحالة ديالها" " وخا نفرض انو مرتابط بالحالة ديالها شنو دبا نديها نشريلها *نونوس* ولا شنو" " لا خليها كما هي الا تكرر مرة اخرى غدي نستاشر دكتور نفسي" قال حسن صوت حزين "شنو ندوها عند دكتور نفسي اي مصحة نفسية" قال دكتور بعصبية "مصحة شكون قاليك بانها محتاجة مصحة انا قلت نستاشر دكتور نفسي على العموم هد لكلام باقي وقتو"
ناض حسن  من بلاصتو وقال" المهم دكتور شكرا ليك بزاف واي تطور جديد غنعلمك بيه"
فقاعة الاستقبال  كانت زهرة ساهية فطفل صغير زوين معرفت علاش شد انتباه ديالها وحست بمشاعر غريبة عليها تمنات لو انها تعرف شنو لي كيخلها تحلم* بنونوس* والغريب ان طفل كان هاز فايدو  *نونوس* وصل حسن للقاعة وقلب بعينيه باش يشوف زهرة وتفاجأ بيها جالسة فواحد القنط وهي ساهية فطفل ولي ستغرب لو بزاف انها كانت مركزة على لي هاز طفل فايدو،مشا لعندها وعيط عليها بسميتها لكن ماجوبتو وحط ايدو على كتفها وتلفتت عليه بخوف وحزن فعينيها نوضها وجرها توقف وشد بيدها وقال "ياله يا زهرة نمشو" قبل ما يتحركو قال " شوفي ملي تحسي براسك قادرة تحكيلي على لحلم غتلقيني موجود " هزت راسها ومشاو شادين فيد بعضياتهم هوا شاد بيدها وكيفكر انو خاصو يوقف معاها مهما كان الحال حتا ترجع ليها ذاكرتها وهي كتفكر بانها لولا حسن الله اعلم شنو كان غيوقع ليها.