ذكرياتي المؤلمة

الورقة الواحد والثلاثون

ملاك تصدمات من الكلام لي سمعات ورجعت لبيتها *لا ما يمكن يكون هادشي بصاح بغاو يبعو داري ادا كلام فتيحة صحيح خاصني نمشي لعندها  ونعاود  نسولها ولكن دار بسميتك وميقدرو يديرو والو* على هد الاعتقاد ملاك نعسات ولكن فنص الليل فاقت مفزوعة وعرقانة من كثرة الاحلام لي شافت مشات و توضأت وصلاة صلاة استخارة وطلبت من الله ينور طريقها فصباح خرجت لعند صاحبتها..
"فتيحة عافاك الله يخليك جاوبيني بصراحة منين جبتي هاذ الاخبار جوبيني شكون لي قال ليك هد المعلومات كلها وتكون فراسك مغديش نتحرك حتى تجاوبيني،" "عافاك يا ملاك الله يهديك تقي فيا رآه لي قلت ليك راه بصاح" "أنا مغديش نتيق حتى نتأكد" "ادا ما متأكداش من كلامي وشاكة فيا" " لا يا فتيحة منقدرش نشك فيك وحنا صحابات وبنات جيران ولكن نتي ديري ليا خاطري وجاوبيني" "واخا ولكن وعديني ماديري شي حاجة لي غادي تقلقني منك ومتعصبيش ومتقوليها لامي" فكرت ملاك فكلام صاحبتها وستغربت لطلبها الأخير  ولكن قالت "وأنا كنوعدك" " الصراحة لي قالت لي هادشي هي خالتي خت أمي من باها عويشة الشوافة نتي عارفها وعارفة أمي مكتبغينيش نمشي عندها ولكن عويشة عزيزة عليا" "ولكن فهميني عويشة شنو علاقتها" "يا صاحبتي فهمي رآه خالتي عويشة شوافة وسناء ديما عندها كتسحر ليه" "أعود بالله من الشيطان الرجيم واش باقي ناس كيأمنو بهاد الخرافات" "ايوا الله يسترنا في الدنيا والآخرة" "اجي بعدا علاش كتمشي عند خالتك وهي مشعويدة ودكشي علاش براتك مك" " أولا هي مرا كبيرة وحدانية وكنمشي عندها غا باش نطيب ليها أو نجمع ليها دار والله يهديها اما انا كنعونها في سبيل الله" "الله يهديها المهم أنت معرفتي ايمتا بغاو يتزوجو" "رآه قلت ليك كانت بغاتو يكتب ليها دار وملي مشي ديالو رآه مصدعاه يبيعها" "آه"بقاو كيتكلمو شوية وتافقت فتيحة مع ملاك بأنها إلا سمعت شي حاجة جديدة غادي تخبرها ورجعت ملاك لدار ودخلت بيتها شوي ودخلت عندها سعديا لي قالت مباشرة "عشية دي خوتك لعند الحلاق سمعتي" ودارت باش تخرج لكن وقفها كلام ملاك لي خلاها دور بعصبية "أنا مغديش نديهم ديهم نتي" "كيفاش مغديش تديهم" "لي سمعتي" "وأنا مسمعتش والو وغدي تديهم رآه مصدعيني بغاوك تديهم" "أنا ما مسالياش ويمكن غادي تجيني فتيحة هاد لعشية" سعديا ماعرفت ما دير وخرجت لبيتها وتسنات في صلاح حتى يجي باش يتفاهم مع ملاك أما هي غادي غ تصدق معصبة معاها ويمكن تمد ايدها عليها..دازو جوج سوايع وصلاح مزال ما جا وتغداو بلا بيه وتسناوه ووالو ما جا وقربت توصل الثلاثة ويقدر يجي هو وسمسار وتعيق ملاك بدكشي لكيخطو ليه ويصدق صلاح مخرجها منها هي لأنها ما لتزمات بالخطة ديالو وقررت تتاصل بيه ولكن والو مكيجاوب شوي فتح الباب ومعه شي واحد ودكشي لكانت خايفة منو وقع   ً"السلام عليكم ايو ها سمسار جا يشوف الدار هو هاد الراجل سيري وجدي لينا شي براد ديال اتاي" بقات كتشوف فيه وما جاوبت وما تحركت "وسعديا واش غتبقاي واقفة تفرجي فيا نتي سيري دغيا وجدي لينا داكشي لي قلت ليك" "راه م ملاك مزال ه" " سي صلاح " ماكملت كلامها لانو دخل عند سمسار لي عيط عليه وهي مشات كتجري لكوزينة تصاوب ليهم براد ديال اتاي وطلبت من الله تكون ملاك ناعسة دابا، " ايوا نديرو شي دويره في دار باش يشوف سي منصور دار وإلا عجباتو نتافقو على بركة الله" خرجو ودارو في الدار وبقاو مجمعين " ايوا اسي منصور اشنو بان ليك" " الصراحة ما عندي ما نقول تبارك الله" "انا عندي ما نقول"...