ذكرياتي المؤلمة

الورقة الثامنة عشر

كانت ملاك وحسن جالسين يتكلمو ملي دخل عليهم صلاح وسعديا وقال صلاح وابتسامة مصطنعة في وجه 
" ايو سي حسن غادي تسمح لينا نصدعوك معانا"
"لا هانية انا تحت امرك" " ربي يخليك بغيتك توصلنا لبلاد إلا ما كان عندك شي مانع" "علا لعين والراس اسي صلاح ايمتا بغيت نوصلكم " فرحت ملاك وبان فوجها قال صلاح" اليوم إلا كنت مسالي" " مسالي غادي غاتسمحلي نجيب السيارة الكبيرة ولقاكم واجدين من هنا لواحد نص ساعة"..
بعد نص ساعة و فالسيارة الكبيرة كان حسن كل شوي يطل على المرآة صغيره لي فالسيارة وتلاقا عينو بعين ملاك ويبتسم ليها وهدشي لاحطو صلاح بعصبية ومعجبوش الحال ولعن المحجوب لي خلاه فهاد اللحظات لي كيحتاج ليه وصلو عند دار الحاج خضري ونزلو ولقاو دراري صغار كيلعبو ودق صلاح الباب وخرج دري طويل وعرف ملاك دغيا وفتح ليهم الباب وسلم عليهم ودخلهم لصالون ومشا يعيط على الحاج لي جا بسرعة وفرح بيهم...بعد الغداء ودعهم حسن وخرج تبعتو ملاك وقال"المهم بلا ما نوصيك على راسك واي حاجة تاصلي بيا وملي تكونوا راجعين تاصلي بيا اوكي" "اوكي" ومشا حسن وبقات ملاك واقفة كتشوف فسيارة وهي غاديا ولكن ما شافت السعديا لي كانت ورا الباب وكتفكر* آه عطاها تليفون باش تبقا تعلمو باي حاجة وااخا يا ملاك خاصني نعلم صلاح وخاصني نحيد ليها تلفون * وقبل ما دخل ملاك وتشوفها مشات سعديا دغيا للبيت وملي دخلت ملاك لبيت لقات سعديا جالسة وشادا راسها بين ايديها وقالت بثمتيل"عافك ابنتي جيبي ليا شي كأس من الماء و شي فانيدة ديال الرأس رآه بغيت نموت من وجع راس" ملاك تيقت وحطات البزطام لي كانت هازاه ومشات دغيا وناطت سعديا فديك ساعة و هزات البزطام وقلبتو ولقات تلفون وسرقاتو وخباتو وفهاد الوقت دخلت ملاك لي ما عاقت بوالو  وعطات دوا لسعديا لي ناطت وقالت "انا غاديا لعند صلاح نعسي دابا باش غدا تفيقي بكري وتمشي مع الحاج الخضري" هزت ملاك راسها ونعست لانها كانت عيانة وبغات تفيق بكري اما سعديا فمشات دغيا عند صلاح لي لقاتو كيفكر وكيكمي السيجارة وشاف فيها وقال"مالك جايا كتلهتي بحال إلا شايفا شي جن" وجلست حداه وتنفست زفير و شهيق مزيان وقالت"بسم الله الرحمان الرحيم مالنا على هد السيرة رآه جيت كنجري حيت جبت معايا هادا" ومدت ليه تلفون وقال" ومن ايمتا وانت كتسرقي" وقالت بعصبية" أولا أنا مكنسرق ثانيا هدا ديال ملاك وانا دبا غدي رجعو ليها ملي انا سراقة" وناطت وناط حتا هو وشد بيدها " زين ديالى وليتي غا على سبة دغيا كتعصبي انا غا كنضحك معاك" "آه كضحك معايا قديمة هدي" "سعديا نعلي الشيطان" وما جاوبة وبقات مكشرة وقال بصوت حنين "لحبيبة ايو صافي نعلي الشيطان راك عارفة علاش أنا عصابي هد الايام" "وره دكشي علاش أنا جيت نجري لعندك جايبا التلفون لي عطاه حسن لملاك قبل ما يمشي" شدو من أيدها وقال "حسن عطاه لملاك" "آه قبل ما يرجع وقال ليها علميني بأي حاجة" "اشنو" ...