ذكرياتي المؤلمة

الورقة الثانية والعشرون

صدمة لي حس بيها صلاح ماعمرو حس بحالها ولا حتا سعديا لي صفار وجها من الخوف وبدات كتدخل وتخرج فالكلام وقالت"ااوراقق..اشنو...شنو قالك حسن" قالت ملاك بستغراب "حسن! اشنو علاقتو بهذ لموضوع" تدخل صلاح دغيا قبل ماتخرب ليه سعديا كلشي وقال"هي كتقصد الحاج ولا لا اسعديا" قالت سعديا دغيا وهي كتهز راسها "اه اه كنقصد الحاج وشكون غيرو" قالت ملاك بغضب "دابا من هادشي كلو بغيت نعرف واش صندوق لي خلاه ليا الواليد هو صندوق الاوراق ديال الورث واش هاد الصندوق هو سبب لى خلاني نفقد ذاكرة وفين مشاو الاوراق" صلاح و سعديا بقاو كيشوفو فيها وقال صلاح بغضب حتا هو" هادشي قلتو وغادي نعاودو الاروق نتي لي غادي تجاوبينا عليهم لأنك أنت قبل ما تفقدي ذاكرة هزيتيهم" "ولكن ما يمكن نهزهم بدون سبب اكيد كين شي سبب لي خلاني نهزهم ونخرج من دار" كانت سعديا غادي تقول شي حاجة ولكن فأخر لحظة دق عليهم شي واحد الباب بجهد وكيغوت "سي صلاح...سي صلاح " فتحت سعديا الباب دغيا وشافت ولد الحاج الخضري شاد فصدرو وكيلهت "عافك..سي صلاح...ا ادراري صغار واحد فيهم رآه.." قالت ملاك وسعديا فوقت واحد "دراري مالهم" قال صلاح ببرودة "ياك لابس شنو دار هداك صكاع وخووه" قال ولد الحاج "رآه واحد فيهم كان يلعب حدا ساقية وطاح" غوتات سعديا بخوف"ولدي" ملاك ماتحركات من الصدمة لكن ملي شافت سعديا خرجت تجري تبعتها هي وولد الحاج أما صلاح خرج كيتمتم بعصبية "تفوو صباح هادا تاني كان ناقصنا غا نتوما تريكة الناقصة" وتلحق بيهم ولقاهم مجموعين على دري صغير لي غارق دميات وخوه توأم أنور كيببكي هو وسعديا أما ملاك فبقات مصدومة وقال الحاج " خاصنا ضروري ندوه للمستشفى يخيط الجرح والمستشفى بعيدة فلمدينة تاصلي ابنتي ملاك بسي حسن يجي ياخدكم للمستشفى" بسرعة جاوبو صلاح وقال" رآه فالصباح تاصلت بصاحبى المحجوب وغادي يجي بلاتي نتاصل بيه ونشوف فين وصل" وقبل ما يهز تلفون يتاصل بيه بانت ليهم سيارة جايا وقال ولد الحاج "ها واحد سيارة جايا فتجاه الدار" عرف صلاح سيارة صاحبو وقال"ولد لحلال جا فالوقت" وقف المحجوب سيارة وستغرب شافهم مجموعين وخرج منها وقال" السلام عليكم" ردو عليه قرب منهم وشاف صغير وقال بسرعة"بسم الله الرحمن الرحيم ياك لابس مالو مسكين ا شنو وقع ليه ايمتا وقع هادشي" قال صلاح "لمحجوب طلقنا دغيا بارك من سولانات ياله وصلنا للمستشفى وفطريق نعاود ليك كلشي" "ياله اي مسكينة ملاك ياك ما خفتي" ماجوبو حتا واحد ، هزو لي كيحتاجو من لحوايج وشي لاخر حتا يصيفطو ليهم الحاج الخضري فطريق كان المحجوب كل دقيقة يشوف في ملاك بقا كيفكر*اه ايمتا تولي حلالي انا الا ما دار معايا صلاح شي حاجة غادي ندير شرع ايديا مغديش نخليه يضحك عليا* أما صلاح فكان كيفكر فشي حاجة تانية*خاصني نلقا لاورق دغيا قبل ما يضيع كلشي من ايديا والا ضاع كلشي ماغدي رحم حد مشي انا لي نخطط ونفكر وفلاخر يضيع مني كلشي لا مشي صلاح* ملاك حتا هي كانت كتفكر* علاش مبغاتش ترجعلي ذاكرة علاش انا فهاد الهم و الحزن يا ربي ايمتا تعفي عليا وتشافيني من هد العداب انا مبغيتش خويا تجرا ليه شي حاجة مبغيتش نبقا وحيدة هما لي بقاولي فهاد الدنيا حتى حسن بعيد عليا يارب شافي خويا وشافيني*......