ذكرياتي المؤلمة

الورقة الثالثة والثلاثون

ما كانت ملاك مستعدة تواجه صلاح وخصوصا بعد الخطة الفاشلة لي دارت تخطات من حداه زربانة بغات تجيب نونوس من عند أنور ولكن صلاح كان أسرع منها وجرها من ايدها رجعها للبيت وقفت قدامو وقالت بعصبية  "طلق أيدي ما مسالياش ليك دابا" وجوبها بنفس العصبية "وأنا مزال ما ساليت هضرتي ديال صباح" نفخت وربعت أيديها وقالت"واش غادي تقول كاع ولي غادي تقول أنا عارفاه دابا خليني ما مسالياش" "أنت ما عارفة والو وأحسن ليك دخلي سوق راسك"  "ههه ندخل سوق رأسي وانت باغي تبيع ليا الدار" شاف فيها صلاح وقال بهدوء "رآه قلت ليك ما فاهمة والو رآه لمصلاحتكم تباع الدار لانو خوتك العام جاي غادي يدخلو للمدرسة ودار كبيرة والمصريف وزيد وزيد وشحال من حاجة و أنا غي صابر وصافي"  كانت غادي تجاوب ولكن دخلت السعديا وقالت بعصبية " إنتي مالك على هد الصداع خلي سيد يبيع الدار رآه لمصلحتنا تباع" " لمصلحتنا" "اه لمصلحتنا وهو ادرا بيها"  "ونفرض مصحلتي أنا وخوتي ومصلحة صلاح ونتي شنو مصلاحتك من هدشي"
صلاح بقا كيشوف فيها وستغرب لكلامها أما سعديا فقالت "مصلاحتي ا من مصلاحت ولادي" ملاك بقات كتضحك وقالت "أولا دار داري وانا ما موفقاش نبيعها" قال صلاح بعصبية "بزز منك البرهوشة غادي تباع" ملاك ما صبرت على الإهانة وقالت "اه بزز مني باش أنت دير لي فبالك أنت وهديك خيتي لي مصدعاك تبيع دار" جات سعديا تتكلم وسكتتها ملاك  "ما كنقصدك أنت كنقصد لمرا تانية لسي صلاح" صلاح تزنك وتصدم أما صدمة لكبير لسعديا لي صرفقت وجها بيديها بجوج وقالت "اويلي مرا تانية تزوجت عليا اصلاح"
"اش كتخربقي واش انتي كتيقي فيها واش انتي بعقلك ا سعديا" "صلاح ما تكدب عليا واش هدشي بصاح دوي جاوبني" "ولاش غنكدب عليك اسعديا الله يهديك"  "اجي نتي بعدا منين جاتك اخبار ولا غا بغيتي تشعلي لفتيل بيني وبين راجلي" قال صلاح بعصبية "ااه منينن جاتك هد لخبار بعدا" بقات ملاك كتشوف فيهم وقالت" كلشي ناس عارفين بلي انت لاصق فسناء وخاطبها وقريب تتزوجو وشرطات عليك تبيع دار باش ديرليها لعرس وتعطيها صداق" سعديا ما شعرت حتى شدات فصلاح من تريكو وقالت بلغوات " اويلي اويلي ستغفر الله بغيت تبدلني ببرهوشة قد بنتك والله لا بقات فيك والله لا بقات فيك أنت وياها يا لحرايمي سناء سناء لي مخيطة شوارع" دفعها صلاح وقال بعصبية "جمعي راسك أحسن ليك اوه اش هد لكلام دغيا تيقتيها"
" لا لا لا ااانا مدة حاسة بيك متبدل" "واش نتي مريضة تيقي في هدي" "ومالها ما تيق فيا" "سكتي نتي أحسن ليك يا لبرهوشة حسابي معاك" ملاك ما تحملات الإهانة وقالت"علاش نسكت علاش وأنا مشي برهوشة  وهدي داري مغديش نبيع عجبك ما عجبك الحال خرج عليا برا" "ايياه وليتي كتهضري كبرليك شان البرهوشة هاكي" *اااا* صرفقها صلاح بقوة حتى طاحت حدا رجليه وسعديا دارت ايدها على فمها من  صدمة والخلعة ودار لعندها صلاح وقال"تزيدي كلمة نتي نسى بلي انت مرتي ونفرشخك كتر منها" سعديا حدرت راسها أما هو عينيه كانو كيقلبو على شي حاجة، بقات ملاك كتأن بتعب وبخوف وصدمة أول مرة يمد شي واحد ايدوا عليها حتى الأب ديالها معمرو صرفقها زحفت حتى وقفت على رجليها بشجاعة ونفس الوقت بألم قالت
" خرجوا خرجوا من داري وخصوصا أنت خرج من داري"