Her Secret Identity [Sunny Cameron, bk. 1] CLOAK

Chapter 10 : Report

Nakalutang pa rin ang utak ko hanggang ngayon. Ano bang nangyari kagabi? Hindi ko maalala. Hindi naman siguro ako nabagok kagabi pero.. ano ba talagang nangyari?

"Ms. Branson, are you listening?"

Nakayuko ako habang nags-scribble ng kung ano ano sa katabing notebook ng Chemistry kong libro. Hindi naman ako siguro nanaginip kagabi. Totoo naman siguro na tinapos ko na yung laro kay Bryan diba? Pero--

"Ms Branson!"

"Ay anak ng tokwa!"

Napatingin na sakin yung iba kong classmates. Nagulat ako sa lakas ng boses ng teacher, akala ko lalamunin na ako ng buo. Tumingin ako sa kanya at nakakunot na ang noo niya sakin. Pambihirang buhay nga naman.

"Saying something Ms. Branson?" Umiling lang ako bilang sagot at pilit na ngumiti para hindi na niya ako paginitan pa.

"Answer my question. A mixture--"

"Coarse mixture, Sir. " Sagot ko pagkatapos kong tumayo. Tumango lang siya at tsaka ako sinenyasan na umupo.

Nagpatuloy siyang magturo at nakinig na ako. Mabilis na tumakbo ang oras at nagring na ang bell para sa lunch. Agad na nagsitayuan ang lahat at kanya-kanya na silang labasan. Naiwan ako dahil tinanggal ko sa pagkakabuhol ang earphones ko. Napansin ko na bakante ang upuan ni Bryan ngayon. Saan kaya yun nagpunta?

"Sunny tara na. Ang bagal mo talaga." Tumango lang ako bilang sagot kay Jill at nilock ko na ang room namin.

"Daan muna tayong locker. Iwan ko lang 'to saglit." Tumango naman si Pat at Jill at naglakad na kami papuntang locker area.

Halos hindi kami makadaan dahil madaming nagkakagulo sa bulletin board na madadaanan papuntang locker area. Halos nagsisiksikan ang mga tao sa kung ano mang nakalagay sa bulletin board. Umatras kami at sa ibang way kami dumaan para lang makapunta sa locker area.

"Ano kayang pinagkakaguluhan nila? Madyado naman silang OA." Sabi ni Cha na kanina pa pala namin kasama.

"Ay nagsalita ka rin sa wakas Cha! Akala ko naputol na dila mo!" Sabat ni Jill.

"Inuusog mo kaagad! Dapat mamaya na." Sabi ko sa kanya.

Iniwan ko na yung mga dala kong notes sa locker. Tiningnan ko ang phone ko ay may napansin akong miscall kaso blanko lang ang lumabas sa screen. Ni number hindi pinakita. Hindi ko na lang yun pinansin at tsaka ulit 'to binulsa.

"Sa tinggin niyo ano talaga yung pinagkakaguluhan nila?" Tanong samin ni Cha.

"Malay natin. Minsan lang naman maging ganyan yang mga yan." Sagot ko sa kanya.