My Only Mistake (My Only Series Book 1)

Chapter 11 - Worried

3 days-straight update for my mistakers <3

------------------------------------

Chapter 11 – Worried

Kakababa ko pa lamang ng hagdan, tumumbad na agad ang bunganga ni Mama sa akin.

"Ano Kenzie? Nawala ako dito ng isang linggo kaya isang linggo ka din hindi gumawa ng mga trabahong bahay? Yung basket mo, punong-puno na ng mga maduduming damit! Aba, kailan mo balak maglaba? Tapos tignan mo nga itong laman ng refrigerator natin, panay tira-tirang mga pagkain! Sino pang kakain nito? Bakit di mo ibigay diyan sa kapitbahay natin para sa aso niya? Yung mga basura, di mo nilalabas! May hindi ka man lang nagwawalis!"

Gusto kong itaas ang mga kamay ko upang sabihing 'Ma, preno lang po. Kakagising ko lang' kaso alam kong mas mababadtrip lang siya at baka masampal pa ko ng di oras.

Ma, isang linggo po kong wala dito sa bahay, nandun ako kila Gigi.

Malamang, hindi po ko makakapaglaba o makakapagwalis.

(-_-)

"Yang si Ally, wag mong inaasahan! Bisita yan! Hindi dapat yan inuutusan dito! Ikaw ang mas nakakatanda pero hindi ka mautusan!"

Beast mode na naman si Mader.

Umupo na lang ako ng tahimik at nagsimula ng kumain ng umagahan.

"Tignan mo yan, dapat ikaw ang gumigising ng maaga! Hindi yung ako pa ang pinagluluto mo! May trabaho ako kenzie!"

Pati ba naman ito, napansin niya huhuhu.

"At magtipid ka naman! Wala na kong ibibigay na pamasahe mo bukas"

Nilapag niya yung 100 pesos sa gilid ko bago tinanggal ang apron at isinabit sa gilid.

Ratatatat pa rin yung bibig niya hanggang sa makaakyat sa taas.

Buti talaga hindi ako sumagot dahil kapag ginawa ko yun, world war 7 agad ang mangyayari.

Pagkatapos ko kumain ay hinagusan ko na yung plato. Ayokong mainis pa lalo si Mama. After that, nagwalis ako ng kaunti. Mabilis akong naligo at nagpusod na lang ng buhok.

Si Ally, tulog na tulog pa.

"Ma, alis na po ako" Sigaw ko.

"Anak, saglit lang"

Nasa gitna na ko ng hagdan ng lumabas siya ng pintuan.

"Bakit po?"

"Your dad wants to ask kung pwede ba daw kayo magdinner mamayang gabi?"

Kaya ba mainit ang ulo ni Mama ay dahil nagkausap sila?

"Sige po...Sunduin niya na lang po ako dito sa bahay ng 7 pm"