▪︎16▪︎

1.6K 46 44
                                    

صلى الله على نبينا محمد

- لا تلهيكم الرواية عن ذِكر الله وعبادته🌺

______________________

▪︎عند المزن وحمد:

دخل حمد للفندق ودخلت المزن وراه وكانوا طول الوقت ساكتين ، فتح باب الغرفه ودخلت وسكر الباب،  تقدم ورما شنطته اللي جايبها معه وزفر متنرفز ولف يناظرها وهي راحت للحمام على طول .

دخلت الحمام ورفعت نقابها وشافت وجهها والميكب السايح على بعضه من كثر البكا، ناظرت نفسها بحزن وهمست : المفروض يكون ذا اليوم يوم فرحتس مدري وش صار ، بدّلت لبسها ولبست بيجاما عاديه ورفعت شعرها ومسحت الميكب ولا تكلفت بزينه وحده له.

طلعت وهي حتى الاكسسوارات اللي كانت لابستها فصختهم ، مشت وتقدمت للسرير وانسدحت عليه تحت نظراته المستغربه، فز من مكانه وراح ووقف قدام السرير : ماتبين تتعشين؟ ، ماردت عليه ونطق مره ثانيه : يالمزن ماتبين تتعشين؟، وماردت للمره الثانيه ، زفر متنرفز ونطق : عساتس ماتعشيتي وش دخلني فيتس .

لف وطلع من غرفه النوم وراح للصاله ، شالت اللحاف وهي تشوفه يطلع زفرت براحه ولفت وهي تفكر انها بتقدر تعيش معه إذا ماردت عليه دايم .

راح يتعشى وخلص وفزّ يغسل ورجع جلس يتابع التلفزيون والجوال بيده وهو مايبي ينام معها بالغرفه وهي ماتبيه ، صحيح انه كان وقح بس محترمها نوعا ما .

وبالفعل غفى على الكنبه وهي نايمه على السرير ، ماحست الا احد يهزها ،رفعت رأسها وشافته قدام وجهها فزت بصراخ وهي مرتعبه ورجع يده يسد حلقها ونطق بهمس : قومي قامت قيامتس قومي صلي ، ابعدت يده وفزت بسرعه وراحت تصلي الفجر وهو يناظرها .

فز يصلي وخلص صلاته ولف عليها اللي كانت تنتظره عشان تصلي لوحدها : تعالي صلي ترى ماني بماكلتس، لفت تناظره وماتكلمت فز وهو يعدل ثوبه : شكلي والعلم عند الله تزوجت بكما ، فتح باب الشقه وطلع منها وهو متنرفز منها ومن حركاتها ، ناظرت زوله وهو يطلع وهمست : روحه بلا رجعه، وكمّلت صلاتها بهدوء ولوحدها بالشقه .

▪︎في بيت ابو الكاسر:

وقف آلكاسر بعد ماتروش وراح يصلي بالمسجد ، فصخ ثوبه ولبس بدلة الشغل حقه ، مشط شعره وتعطر بالعود اللي يحبه،  اندق باب غرفته ونطق : ادخل ، دخلت وطلّت براسها : كويسر فاضي؟ .

ناظرها ونطق : وش عندتس؟ ، دخلت العنود مبتسمه وسكرت الباب وتقدمت تجلس على السرير اللي وراه وهي تناظره وهو يجهز : ابد والله ابغى اروح السوق اجهز لزواج اخوي الكبير ، ابتسم على كلامها ولف عليها: متى تبغين؟ .

البَرْق يَبْرُقْ وَالتْرَفّ هَمْاَلِيٍ حيث تعيش القصص. اكتشف الآن