صلى الله على نبينا محمد
------------‐-------------------
▪︎ في بيت ابو ضاري:
دخلت ترف مسرعة لبيت ابوها وهي خايفه ووقفت جنب الباب ولفت تسمع صوت وانيت برق مشى ، جلست على عتبة الباب وزفرت أنفاسها بخفه وهمست : ليته كان تمثيل مثل اللي كذبته .
فزت برعب اول ماسمعت ايمن يقول : وش عندتس هنا؟ ومع مين جايه؟ ، رفعت رأسها وابتسمت لاخوها ووقفت ونطقت : جيت مع إسراء بنت خالتي .
سكت وهو يناظر فيها ونطق : بكيتي؟ ،كانت عيونها حمرا بدون ماتقول شي ، صدت وهي تحاول تهف على عينها بيدها وضحكت : يوووههه لهالدرجه واضحح؟، ايمن : وش صار معتس؟ وش اللي خلاتس تبكين؟ .
رجعت عيونها على ايمن ونطقت بابتسامه : ماصار شي ياروح اختك وتعال قول لي وش اخبارك ، تقدمت وحاوطت ذراعه وجلسته على الكرسي اللي في المطبخ .
نزلت عبايتها ولفت تسوي الشاهي وهي تنطق : هاه عساك قررت لوظيفتك؟ ، سكت وهو يفكر بهدوء ورفعت راسه واسند ظهره : مابعد اقرر ، لفت تحط الشاهي على الطاوله وتصب لها وله ونطقت : لايكون ناوي تصير زي اخوك ذا اللي ماعنده ماعند جدتي .
ضحك ايمن بهدوء وكانت شخصيته الحقيقيه ما تطلع الا مع ترف بحكم انها أقرب اخواته له واقرب الناس بحياة ايمن هي ترف ، ايمن: الصدق فكرت ادخل العسكريه بس شكلي بتراجع! .
استغربت كلامه ونطقت : ليه؟ ارفع طموحاتك ياخي، ايمن : احس العسكريه يبغى لها رجال و- ، قاطعته بكلمتها اللي نطقتها : يعني انت منت برجال؟ ، فز ايمن ونطق :اعقببب صدق الا انا رجال ولد رجال .
ضحكت وهي تتأمل اخوها : اجل؟ ، ابتسم وهو يحك راسه بفشلة :يعني شسوي وعايلتنا عايلة الاقزام ؟! ، انفجرت تضحك وحطت رأسها على الطاوله وهي تضحك منصدمه من كلمته ورفعت رأسها له ونطقت مابين ضحكاتها : كم طولك بالله؟.
ابتسم ونطق: والله لو خذيتيها مهزله لأقلب عليتس ياتريف ، كمل كلامه ونطق : ١٧٨.١ ، ناظرته بضحكه ونطقت : هذا طولك؟ لا ماينفع كنسل الفكره ، ايمن: خيييررر مو انتي اللي قلتي ارفع طموحاتي؟.
ضحكت وهي تشرب الشاهي ونطقت : شوف الصدق اني مدري اذا بيوافقون عليك ولا بس شوف مثلا ولد عمي عبد الرحمن آلكاسر كم طوله ؟ ، قطب ايمن حواجبه ونطق : مدري بس اطول مني ، ابتسمت وهي تكمل : الزبده انه طويل يمكن طوله ١٩٠ او شي زي كذا !! .
ايمن : يعني الحين وشتبين؟، فزت ترف وهمست : ولا اقول لك شوف ولد خالتي برق كم طوله ، ايمن : ذا اكيد تعدى آل٢٠٠ ، ضحكت وهي تصفق بيديها : والله انك صادق ماشاء الله جينات آل متعب قويه كلهم طوال وانا طولي ١٦٤.٨ واشوف اني طويلة !! .
YOU ARE READING
البَرْق يَبْرُقْ وَالتْرَفّ هَمْاَلِيٍ
Poetryدَفتري الأول ورِوايتيّ الأولى بأقلامِ الرصاص . 《مُستمِرّة》 كُتِبتْ بِواسِطة : سُلاف آل حمدان ✍️🏻. حسابي التيّك : sul_afah 《لا أُبيح نقل الرواية او الاقتباس منها》