▪︎08▪︎

1.4K 48 13
                                    

▪︎في بيت الجد متعب :

فزو البنات ركض يتكشخون وخصوصا ان ماباقي وقت على صلاة العيد ، بدأت كل بنت تسوي ميك اب لنفسها والشعر كل وحده تسوي للثانيه وهكذا .

طلعت إسراء وهي لابسه فستان وردي فاتح ورافعه شعرها ونطقت : بنات ايش رايكم؟ ، ضحكت جود : تسأل الكلبه وهي تدري انها حلوه .

ابتسمت ترف ونطقت : تجننين يابنت خالتي ، هزت وعد رأسها وهي تضبط شعر شذا ، المزن : تهبلين والله .

ضحكت إسراء وتقدمت : ماباقي لي الا ايلاينر تكفين ياترف ارسمي لي ايلاينر تراني ما اعرف ، ابتسمت ترف وفزت ونطقت : اخلصي تعالي عشان يمديني البس .

تقدمت وجلست على الكرسي وبدأت ترف ترسم لها الايلاينر، فزت المزن ودخلت تلبس وطلعت وهي تدور بفستانها الاسود الماسك على الجسم وشعرها المفتوح الاسود وهي تناظر في ملامحها اللي كانت حاده .

انتبهت لها إسراء وشهقت: يمه تجننين!! ، فزت ترف ونطقت : لا يا غبيه اخترب الميك اب حقتس ، لفت وعد ونطقت : وربي انتس حلوه يابنت .

ابتسمت ونطقت : جود وش رايتس؟، هزت جود اكتافها وهي تضحك : شهادتي فيتس مجروحه ياخيتي ، شويات وطلعت شذا وهي لابسه فستان اصفر نافش .

شذا : طبعا ماله داعي اطلب رايتس انتي وياها لان ادري القمر حلو بدون رأي، محد رد عليها ابتسمت ترف تخفف الموضوع ونطقت : والله تجننين يا اخت ماعليتس منهم .

ضربتها إسراء ونطقت : وش عندتس تمدحينها ، رفعت ترف كتفها ونطقت : بكيفي مو هي اختي؟ ، ابتسمت وعد وفزت تصفق : كفو كفو يالحماوة .

دخلت ترف تضحك وسحبت فستانها ولبسته وطلعت لهم ، كانت ترف ملامحها ناعمه وطفوليه وعيونها واسعه وعسليه بس تجذب وتفتن وعلى الرغم من جسمها الانثوي كانت لطيفه جدا بشكلها بالفستان السُكري وشعرها الاسود الويفي المنثور على فستانها .

صفقت وعد ومدت يدها لاختها تدورها ونطقت : وشذا الزيينن! ، جود : بسس يابنت بس وش خليتي لنا من الزين ، ضحكت المزن ونطقت بمزح : عاد والله ان ملامحي احلى .

إسراء: الصدق لو ابي ملامح حاده جذابه بختار مزن بس لو ابي ملامح بريئة وتفتن غصب بختار ترف ، شذا : انا اقول اختي احلى .

ضحكت ترف وتخصرت ونطقت : بس لايكثر وبعدين اخلصن نبغى نطلع قبل لا يأذن ، وبالفعل بدأو البنات يخلصون وطلعوا كلهم بعد مالبسوا وخلصوا .

كانت وعد لابسه فستان كحلي ماسك على جسمها مبرز مفاتنها وشعرها كان مفرود على طول ظهرها ،
وكانت جود لابسه فستان أخضر فاتح وكان منفوش ويناسب جسمها وشعرها ويفي ورافعته وطالعه تجنن .

▪︎ عند العيال :

طلع برق من الاسطبل متوجه لرائد اللي كان في المخيم ، رائد: برق جيت والله جابك تعال نشب الضو ونروح نتروش ترى ريحتي كلها غبار، برق : احمد ربك غبار انا ريحتي علف من هالغنم والاحصنه .

البَرْق يَبْرُقْ وَالتْرَفّ هَمْاَلِيٍ حيث تعيش القصص. اكتشف الآن