▪︎في بيت الجد متعب :
دخل رائد يسلم على جده وباس راسه ونطق : جدي وين ابو متعب؟ ، ابو مطلق : رجع لحايل مع سلطان وعياله ، جلس بهدوء وهو يفكر ونطق: يوووهه عاد والله اني مشتاق .
ناظره متعب : شوق يشق ضلوعك ان شاء الله قم هات القهوه ، ضحك رائد وتقدم يجيب القهوه لجده ورجع جلس تحت رجول جده ونطق متعب : الا اقول وش عندك يالسمرمدي ما اعرست؟.
ناظره رائد وشهق بتمثيل: يووهه ياجدي توني ما كونت نفسي ، ماحس الا بلسعة عصا جده على ظهره ونطق جده : بتتكلم ولا كيف ؟ ، رائد وهو يحك ظهره : شوف الصدق ما احس اني لقيت البنت المناسبه !! .
رفع متعب حجاجه ونطق : ومن متى ننتظر نلقى؟ قل لشروف تدور لك وتلقى ان شاء الله ، ناظره بهدوء وهو مايحب هالسيره ابد وانقذه منها برق اللي دخل مع ابوه وعمهم محمد .
محمد : صبحكم الله بالخير ، ردوا كلهم وفز رائد وبرق يسلمون على عمهم وجدهم ، جلسوا كلهم ونطق متعب بحده : تراي شايلن بخاطري عليك يالبرق .
فز برق : افاا يا جدي عسى ماشر وش سويت انا؟، متعب: تطلع امس ولا تقول ولا حتى تعطيني خبر؟ ، ابتسم برق متوهق وفز يبوس راس جده ونطق ؛ والله ياجدي اللواء طلبني بسرعه ورحت اتمنى انك ماتاخذ بخاطرك .
متعب: عساه خير يطلبك؟ ، ابتسم برق : الحمد لله خير خير !! ، آلكاسر: السلام عليكم ، تجمد برق ولف بهدوء بعد ماردوا كلهم ونطق : وعليكم السلام .
ناظر مطلق ببرق بتعجب ونطق : غريبه وين السلام الحار للكاسر ، تقدم برق للكاسر وكان عارف انه زعلان لان رائد قال له اللي صار بس صده آلكاسر وتقدم يسلم على جده وباس راسه.
جلس رائد وبرق جنبه وهمس له: شكل زعله كايد هالمره !! ، هز برق راسه وعينه حزينه على زعل اخو دنياه وعلى المزن اللي بتضيع من يده وكان حرفيا حب برق لها حب عذري! .
همس رائد: تحس آلكاسر متغير بعد اللي صار امس؟ ، لف برق مستغرب ونطق بنفس الهمس : وش صار؟ ، قرب رائد اكثر : تضارب مع ضاري امس وكسر خشمه ! .
قطب برق حواجبه وهمس : ضاري ولد خالتي؟ ، هز رائد راسه وجلس برق مستغرب ونطق : وش كان السبب؟ ، رائد: الصدق مدري ماكنت موجود من بداية الهوشه لو تبي اسأل ياسر حاضرها كامله هو .
قطع كلامهم كلام آلكاسر اللي قاله بصوت رجولي عالي : والله ياجدي عارفٍ اني من رجعت ودايم تكرر علي موضوع العرس واليوم جاي ابلغك اني بعرس ان شاء الله ، ابتسم متعب : هذا العشم فيك ياولدي.
فز مطلق مبتسم ونطق : ومن ناوي عليها ؟ ، لف آلكاسر وطاحت عينه بعين رفيق دربه وصديقه برق وبرق صد بسرعه وهو مايحب يسمع هالاشياء او يكون من ضمنها وخصوصا انه بيطلب البنت اللي برق لطالما اُعجب فيها .
YOU ARE READING
البَرْق يَبْرُقْ وَالتْرَفّ هَمْاَلِيٍ
Poetryدَفتري الأول ورِوايتيّ الأولى بأقلامِ الرصاص . 《مُستمِرّة》 كُتِبتْ بِواسِطة : سُلاف آل حمدان ✍️🏻. حسابي التيّك : sul_afah 《لا أُبيح نقل الرواية او الاقتباس منها》