▪︎07▪︎

1.6K 46 4
                                    

▪︎في مجلس الجد متعب :

وفي آخر أيام العزا الكل كان وضعه اسوء وماتحسن أوضاع احد بالعكس صارت أوضاعهم اسوء بكثير من قبل.

بالنسبه للكاسر اللي كان مسكور وينكسر مع كل مره يقولون له : عظم الله اجرك  ، كان ينهار داخليا بس كان يسوي نفسه ثابت  وهو إذا سجد تبدء دموعه تنزل لا اراديا .

وبالنسبه لاسماء الله ماعادت تقدر تتحمل اكثر وتنهار كل يوم بس كانت تحاول قدام عيالها ماتبكي وتمسك نفسها قد ماتقدر عشان لايضعفون اكثر .

وبالنسبه للعنود اللي انهارت اول ماعرفت ان ابوها توفى حرفيا ماكانت تعيش زي الناس كانت جسد بلا روح وراحت الحيويه والضحك من حياتها .

وبالنسبه لغزيل اللي انهد حيلها اول ماسمعت بالخبر وكان تركي يحاول يهديها بس بالقوه يواسيها ويطلعها من حزنها .

خلص العزا وطلع آخر ضيف من بيت الجد متعب وجلس الكل مُرهق من شعور التعب والقلق ، فز آلكاسر وسحب سجادته ولف على جده ونطق بصوت متذبذب: ياجدي تحتاج شي؟ تراي رايح اعتكف .

ابتسم جده بكلافه ونطق: لا تتعب نفسك ياولدي عيالي معي رح وانتبه على نفسك ، طلع الكاسر وهو متلطم ومو طايق يشوف احد وخاطره ضايق بالحيل وبهالفتره صار كل ماحس بضيق خاطر يروح للبر يعتكف على لين مايطيب خاطره .

طلع للبر القريب من بيت جده وجلس فرش سجادته وبدأ يصلي وسلم وبدأ يصلي قيام الليل والوتر خلص وجلس وهو يفكر ويستغفر طلع مصحفه وبدأ يقرأ بترتيل وخشوع .

ماحس الا بيد تحضنه من ورا تواسيه ، لف للي كان وراه وابتسم اول ماشاف برق تقدم وجلس بجنبه ونطق بصوت هادي : لاتوقف وكمل قراءه تراي احب صوتك .

ابتسم بهدوء ورجع يقرأ بترتيل لين ماخلص السوره وسكر المصحف وتنهد بتعب ونطق بصوت مسموع : تدري وش الخاطر يقول يالبرق؟ ، لف له برق بهدوء ونطق : وش يقول؟ ، تنهد آلكاسر وبدأت ابياته بِ:
"لي عزيز تحت الارض دفنوه
حتى الأرض من معزته ضمّته
خذته الدنيا مني بلمحة عين
ليت الموت زي الإنسان اقدر اخذه منه
مابقى احد مابكى بذاك اليوم
ومابقى احد ماوجعني بعظم الله اجرك"

شد البرق كتف آلكاسر ونطق : صح لسانك يااخوي وتوكل على الله والله يرحمه ويغفر له وماتدري يمكن هذا اختبار  من رب العالمين لك .

ابتسم الكاسر بصدق وهو يحب كلام برق له ونطق: يالبرق مالي قعده بنجد اكثر، لف يناظره وتوسعت عيونه ونطق : على وين رايح اجل؟ ، ابتسم بهدوء ونطق: يمكن للشرقية بكمل حياتي هناك .

برق: وليه؟ ماقلت مثلا الرياض شي ليه الشرقيه؟، ابتسم بهدوء ونطق : ماودي اكسركم زياده وابي اكون مع اهلي فترة نقاهه حتى لو أخذت ذي الفتره سنوات ابغى اخذ راحتي! .

البَرْق يَبْرُقْ وَالتْرَفّ هَمْاَلِيٍ حيث تعيش القصص. اكتشف الآن