00

13K 155 13
                                    

صلى الله على نبينا محمد

(تعريف بالشخصيات الرئيسيه)

____________________

الجد متعب : هو الجد الكبير عصبي ومستحيل يمشي اي خطأ يمر عليه دقيق بكل شي ويحب انجاز الأمور بوقتها المحدد ، مايحب المماطلة، رجال قول وفعل وعمره يتجاوز الثمانين .

الجده ساره : أطيب ماخلق ربي ومستحيل تنام وهي مزعله احد تحب كل احفادها ومستحيل بيوم تفرق بينهم ، لكن آلكاسر عندها مميز بنظرها وتحبه بالحيل وعمرها يتجاوز السبعين.

محمد ( ابو المُزن ) : هو الولد الأصغر لمتعب ، شخص عنيد وراسه يابس بس طيب احياناً ، يكره الاطفال بس مع ذلك ماعنده الا بنتين ويحطهم بعيونه واللي يغلط عليهم ياويله وياسواد ليله.

ياسمين (ام المُزن): شخصيه عصبيه بس تحب بناتها بالحيل ، مزاجيه بس طيبه معهم ، تكره الديره وتكره عيشتها بس متصبره عشان محمد .

المُزن : البنت الكبيره لمحمد طيبه وحليله وتفهي على الآخر مره جميله بملامحها الحاده ، اللي يميزها جمالها المنفرد بالعيله لان مستحيل تلقى احد بنفس شكلها لان جمالها كله طالع على خوالها.

الجود : البنت الصغيره لمحمد حاده المزاج واللي بقلبها على لسانها ، ودايم هواشات مع المُزن بس مع ذلك تضل تحب المُزن وتعشقها لانها اختها الوحيده.

عبد الرحمن ( أبو آلكاسر ) : هو الولد الثاني لمتعب ، حرفيا كلمه طيب قليله بحقه الطيب منه ينقط بس رجال بكل ماتعنيه الكلمه وهو أغلى واحد عند ابوه متعب ويعشق شي اسمه أسماء .

أسماء (ام آلكاسر ): انسانه حليله وطيبه بس خلي احد يغلط ولا يزعل آلكاسر ولا بناتها يمكن تشق وجهه شق .

غزيل : البنت الكبيره لعبد الرحمن طيبه وعلى قولتهم طينه الجنه وعفويه بكل شي تحب اخوانها بالحيل .

آلكاسر : الولد الوحيد والكبير لعبد الرحمن حاد الطباع ومرِح شوي مع اللي يحبهم بس بنفس اللحظه هادي ويقدر كل شي بقدره ، انسان وبالرغم من صغر سنه الا انه انسان متفهم ورزين وتغلب عليه طباع جده ، وإذا كان الموضوع فيه خواته ينقلب المزح جد لانه يحبهم .

العنود : البنت الصغيره لعبد الرحمن وحرفيا هي أكثر بنت بايعتها ولا همها في الدنيا إلا الطقطقة على اخوها واختها بس محبوبه العيله كامله لان لها جوها الخاص .

مطلق (آبو ياسر ):هو الولد الكبير لمتعب ، انسان هادي ولا له حضور في المناسبات بعكس إخوانه بس الكل يحبه ويعرفون ان مالهم الا عمهم مطلق لانه افضل واحد وأطيب واحد .

نوره (أم ياسر ) : حرفيا كانت شديده بمعنى الكلمه ماكانت ترضى عن الغلط ولا كانت تسامح اي احد يغلط من عيالها كلهم يعرفون وعندها الضرب هو الحل الامثل للتأديب بس مع ذلك عيالها يحبونها بالحيل ويدرون انها ماتضربهم الا لمصلحتهم.

ياسر : حرفيا انسان هادي ومعروف بسوء طبعه ، متزوج وهو الولد الكبير لمطلق .

هيا : حقارتها مالها حدود انسانه تنرفز ماتحب عايلة زوجها وكل همها تضايقهم في حياتهم .

برق : الولد الثاني لمطلق ، وقد ايش هو مرح وعنيد ومزوحه ثقيل وأكثر واحد ينتهاوش وينضرب من امه بس مع ذلك اكثر شخص تحبه امه هو برق لأنها تدري انه الوحيد اللي بيوقف معها لو يصير شي ، يعشق امه عشق مو طبيعي .

إسراء : البنت الصغيره لمطلق وحرفيا اكثر وحده تلعب بالمواضيع لعب ونقاله كلام وهي اللي تعرف كل أسرار القبيله والعائله بس لو تبي خبر روح لها وتعلمك على طول .

شريفه ( ام رائد) : اكثر انسانه مسحوب عليها وهي البنت الصغيره لمتعب ، شخصيتها حلوه وحبابه بس تزعل بسرعه.

حازم (ابو رائد) : اكثر انسان منشغل فالحياه ونادراً مايجي تجمعات العائله بس تراه طيب وحليل .

رائد : الولد الأول لشريفه وحرفيا قد ايش طيب ومحترم شخصيته مابين برق وآلكاسر .

محسن : الولد الأصغر لشريفه مع ذلك الاشقى ، بس اخوه وأمه يعشقونه عشق.

______________

وهذول اهم الشخصيات اللي بتتكلم الروايه عنهم والباقي بتشوفونه بالروايه .

البطل هو
[ برق ]
والبطله بتكتشفونها مع القصة ، وفي أبطال غيرهم ...

تنويه: اغلب القصايد والاشعار في الروايه منقوله وشكرا...


البَرْق يَبْرُقْ وَالتْرَفّ هَمْاَلِيٍ حيث تعيش القصص. اكتشف الآن