نَـــسْــــلُ آلـــقَـــبَـــائِـــلْ

الفصل 64

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 136:.

تجمعو فصالون كيرتاحو واناس لي عرف اش واقع مشا جلس حدا بنتو دور يدو عليها معنقها وكيهضر بعاها بشوي ..

اناس: تخلعتي ابنتي..

ملاك: بزاف ابابا كون تشوف لباطل لي طيح عليا بغاني نعطيه نص مليون كاملة باش يصلح ديك لخرشاشة لي عندو ..

اناس : هاديك ساعة كون خرششتيها لوالديه مزيان باش يعرف راسو معامن..

ملاك من نيتها :  وراني بغيت نعاود نضربها غير ماما لي بقات كتغوت ...

اناس: هكا نبغيك ابنتي ديما عطي لبنادم علاش يدور وماتسمحيش فحقك ..

فاطمة تعصبات : نتا منين كتفهم منييين راه هي لي ضرباتو ماشي لعكس شكون لي طيح لباطل هو ولا هي ..

اناس دخل بنتو فحضنو: الالة انا بنتي مكتغلطش غير زهر معندهاش ..

سليم تا هو جالس حداها ومخنزر فولدو لي جالس قدامو..

- ونتا الحلوف علاش مدافعتيش على بنت عمك ..

ارسلان: واش بغيتيني ندافع على ضلم الواليد ...

سليم خنزر : دابا بنت عمك سميتيها ضالمة ..

ارسلان: وراه كلشي باين غير لي بغا يتعمى ...

عبدالقادر دخل بيناتهم : صافي باركة لي وقع وقع .."مد يدو لحفيدتو"..اجي ابنتي لهنا اتكون دازت عليك بالخلعة ..

مشات كتمسكن جلسات حداه  وكلشي بقا كيشوف فيهم وعبدالرحمن دور راسو لعفراء وقال بشوي ..

- واش هادو ديما هكذا معاها ..

عفراء: اوا راه عندو غير هاديك ومفششها بزاف ..

عبدالرحمن: بزااف على لفشوش الوليدة هادي راها ولات قلة لحيا ..

جمع لوقفة يمشي يكمل شغلو وخلاهم فهبالهم معندوش مع لبسالة ولمرا تقل لحية مع راجل ولا لمرا تعلى صوتها وسط رجال ، كيبغي سترة ولمرا تكون بعقلها   وبعفتها وهي ماشي مقطوعة من شجرة باش دخل مع رجال فشد ليا نقطع ليك راه عندها رجال من وراها دايرين صف غير هي تأمر وهما ينفدو ولكن قلة لعقل دارتها ليها وخلاتو ما يعجبو حال فهاد لحالة لي شافها قدامو وخا عاش نص عمرو فأمريكا لكن عقلو مرتبط بأصلو ودينو وعمرو شارك بنت لمرا لهضرة ولا ركز فيها شوفة وهادشي دارو فأرض لكفار فما ادراك يشوف هادشي فارض لمسلمين وبين لمسلمين ..

فبلاصة اخرا وسط لقبيلة وبين لحقول وشجر خارجة كدور بعد ما خلات نرجس مع لالة ماما ..سمعات شي حد كيعيط عليها وهي دور مصغرة عنيها من ضو شمس كتحقق فشخص لي عيط عليها ومن عرفاتو تبسمات ..