نَـــسْــــلُ آلـــقَـــبَـــائِـــلْ

الفصل 44

#رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء الأول : ضياء القمر....

الفصل 92 :

شمس رجعات لور بخوف  وقالت بتردد...

- انا  مابغيتش نخبي عليها ...

بقا كيشوف فيها بصرامة وهز يدو بتحدير ...

- توقع ليها شي حاجة انتفاهم معاااك مزيان ....

تنطق صوت عفراء لي واضح فيه صدمة ...

- مااايمكنش اربييي ما يمكنش ...

عبدالواحد  حس براسو ممرتاحش ومعارفش هاد الإحساس شنو سببو ..شاف فأمه لي وجها مخطوف منو لون وقالت ...

- نرجس كتشرب دوا ودوا كيجيب ليها نعاس...

حس بقلبو توقف ورجع كيضرب بجهد  ...بدون ما يتكلم  ضرب دورة وهبط لتحت كيجري حط تليفون فودنو كيسمع صوت سيارة مزال خدامة ..

صرخ عدة مرات بإسمها بدون مجيب .. دخل فسيارتو وديمارة طاير خرج من لفيلا بدون ما ينتابه لصوت باه لي كيعيط عليه من لور ...

دار سينيال ليسر وشد طريق الوطنية عرفها غير من اصوات لي كيسمع من الهاتف  انها مخداتش طريق لتوروت ...وصل لتصال بسمعات بلتوت لي حطهم فودنو وركز مع طريق وغادي طاير كيفوت سيارات لي امامو بسرعة خيالية وعينو كيدورو فكل مكان  خايفها تكون واقفة فشي مكان او يوقع ليها شي حاجة او شي حد يكون كيتبسل عليها ....

كل سيناريوهات لخايبة بدات كدور ليه فراس خلاتو يعض شفايفو بقوة وكينجرهم بسنانو بدون ما يحسي..

حس براسو غادي فطريق وتا حاجة مكاينة  بحالي كيكب لما فرملة .. بغا يرجع يضرب دورة  و هو حس بصوت  من جيهتها وهو ينطق بسرعة ..

- نرجس..نرجس كتسمعيني ...

كان رد هو صوت تنفس تقيل ومن صوت ديال ضربة لي سمع حس بحالي طاحت على لكرسي وراسها جا على لهاتف ...

فور ما جا هاد تصور فراسو حس بشعر لحمو وقف وانفاسو توقفو فالحلق ديالو و  دمو تجمد  فالعروق ..

صرخ بإسمها بصوت مرتفع ..

- نااااارجييييييس...

مع نهاية صرخة بإسمها كيسمع اصطدام قوي وصوت لحديد كيتحك مع لارض وجسدها كيترطم مع زجاج وكل هاد الأرتطام كان صوتها ضعيف جدا  لدرجة مكيتسمعش ...

قبل ما يدير اي  رد فعل شاف سيارة امامو كتقلب فطريق و وخا شكل سيارة مضغوط ونصفها مهرس لكن عرفها سيارة ديال  نرجس...

شافها كتمشي لجهة ديال جرف غادي طيح فيه وهو يكسيري بجهد  محاسش براسو ولا افعالو ولا شنو كيدير ..تصرف بدون ما يفكر فقط قلبو لي كيدق بعنف فقفصو الصدري وخوف عمرو حس بيه تملك كل داتو  فهاد اللحضة ...