نَـــسْــــلُ آلـــقَـــبَـــائِـــلْ

الفصل 10

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء الأول : ضياء القمر....

الفصل 18:

نرجس طلقات لموسيقى شرقية و وقفات وسط لبيت لابسة بيجامة ديال لحرير طويلة وعندها سميطات لفوق كيبان نصف صدرها ولحمها بيض وريحة لورد فايحة منو ..

طالقة شعرها الاحمر ورا ضهرها ..بدات كدخل لبيجامة فجناب سليب وطلعها بشوي تا وصلاتها لنص فخاضها وبينات  رجيلتها لحمرين و اصابعها صغيورين مصبغة دفارها بالأحمر فاتح ...

بدات كتعوج وسطها مع الحان لموسيقى وكتهبط تال لتحت وكل طرف من مؤخرتها كيبهط ويطلع فتناقض مع بعضهم  وفورمتها مفصلة كتخلي مفاتنها الأنثوية كتزيد تبان اكثر وتخلي كل الاعين يتبعوها بلهفة ...حتى لو ان لبنات لي كيتفرجو فيها حلو فمهم و وسعو عنيها بدهشة ..

توقفات فنص رقصة وبدات كتهضر وتحرك يديها مع طول جسمها ..

نرجس: لمطور قبل ما يخدم خاصك ديماريه و تخليه يسخن مزيان ولكن قبل ما يديماري خاصو باش يخدم ..لمطور خاصو لمازوط ورجال خاصهم لمراة ...

" تحنات  لعندهم  كتلعب  بصدرها امام عنيهم وترجع توقف وتهز شعرها وتبدا تهز فبوطها وتلعب بكرشها وترجع توقف وتكمل كلامها "...

- ما كيهمش لمراة كيف تكون خايبة  ولا زوينة حيت هداك لي عندنا بيه لغرض ما كيشوف ولا كيسمع ..خاصك غير تعطري نفسك وتعري على فخيضاتك وتهزي صدرك وتا لمعندكش عمريه بالبونج لمهم هو يشوف داكشي كبير و مفصل ..عمري فمك بريحث لحلوى  وقربي عندو بحال هكدا خطوة تابعة خطوة  وتمشى على مشطة ديال رجليك وخلي لگدم مهزوز  باش يشوفك بحال لفراشة  ومن تنزلي عندو لمسيه فعنقو وهمسي ليه حدا وجهو خليه يشم ريحة انفاسك ودوخيه بكلام  معسل لي يخليه يهيج و يتشها ... ورجعي وقفي وعطيه بضهرك ورجعي تمشاي بعيدة منو وكل خطوة عوجي فيها وسطك من جهة لجهة وفديك ساعة اينوض تابعك ويشدك من هنا ...

"حطات يديها على صدرها كتمثل امامهم كل لي قالت وهما حالين فمهم ومتبعين معاها بصدمة وحركاتها المغرية خلات حلقهم ينشف هما لي عيالات فما ادراك برجال ..

جرات طبلة وطلعات فوق منها  مقدمة رجليها ليمنية ومرجعة راسها لور و كتحرك خسرها مع لموسيقى باغية طير وكتحرك بخفة  وكل حركة مناسبة مع الموسيقى كأنها ولات معاها جسد واحد حتى زلقات رجليها  طاحت من فوق طبلة مع نهاية لموسيقى خلات كلشي لي مصدوم فيها يجمع لوقفة مخلوع ..

تقدمو عندها يشوفو حالتها وهي كتنين متألمة كتحس بسنسول ضهرها تهرس "..

نرجس : الله يعطيكم مصيبة  بقيتو حاضيني تا جبتو ليا ربحة ...

قمر حاولات تهزها : اختي انا گاع ما حسدتك ...

نرجس : قولو غير تبارك الله .."صرخات متألمة"..هدااي كنحس بعضم طيو ديال ترمتي تشقق...

ملاك: هادي ما تكون غير دعوة خويا عبد الواحد ..

نرجس بغات طير عليها غير الألم لي محبسها ..

- فين هو عمرو شافني اصلا باش يدعي فيا ..

ملاك تخبات ورا شمس وكطل عليها من جنب ...

- وما عرفتي كون قال اللهم اجعل كيدهم في نحورهم  وجات فيك دعوة نيشن ....

نرجس بدات كتغزغز سنانها : جيبيها ليا اشمس نريش والديها ...

تا شمس ماشي من لعاگزين جرات ملاك وقدامتها لنرجس لي كتوجد فصباعها باغية تقرصها وملاك كتركل وتغوت مخلوعة وطلب وترغب ..

فكاتها منهم قمر هرباتها لباب خرجات هي وياها ودفعات لتجاه بيتها ..

- سيري لبيتي نعسي معايا ليوم .."دارت لنرجس وشمس"..ونتوما حيدو هادشي ليل هدا وجمعي داك سالف لي عندك انرجس وقراو القرأن قبل ما تنعسو وعمركم ديرو هادشي فليل ما مزيانش ...

سدات عليهم لباب وتوجهات لبيتها هي وملاك ... بقات غير شمس و نرجس ..

شمس : كيف بقيتي من ضهرك ..

نرجس : تعوجت اصاحبتي ندمت گاع تا درت هادشي ..

شمس : ولكن العفريتة كتعرفي تشطحي نهار تزوجي بخويا ادوخيه دوخة ديال بصح ..

نرجس تقدات فالجلسة كتفرنس فرحانة  : بصح غادي نعجبو ...

شمس : واش من نيتك الهبيلة كتسولي فين عمرو يلقا وحدة بحالك وزيد من لفوق كتبغيه ...

نرجس قلبها كيترعد فصدرها :  خايفة غير مانكونش ستيل ديالو ...

شمس : اصلا هداك  خويا وانا كنعرفو ماعندو تا ستيل فنسا هو لي عندو مهم هو  تكون لمرا كدير الحجاب وقارية على دين وعارفة بينها وبين الله ونتي تبارك الله محجبة وكتقراي فكلية الشريعة داكشي لي باغي راه فيك.....

نرجس زيرات على فمها مخبية الإبتسامة والفرحة لي كتشع من عنيها ..

- و زعمة يقبل يتزوج من العائلة ...

شمس كذبات عليها : وعلاش ما يقبلش يخلي خير قدامو ويمشي ياخد من لبراني ...."حركات راسها برفض"...نننن مانضنش شوفي غير عبدالرحمن كان بابا غادي يزوجو لعام لي فات كون ما قال ليه صبر عليا غير شوي نكمل قرايتي ونرجع لبلاد نفتح العيادة ديالي وختار ليا بنت غير من العائلة   نتزوجها وكيف عارفين كاملين عقلية عبدالرحمن و عبدالواحد متشابهين وخا عبدالواحد صارم كثر لكن بجوج باغين يتزوجو من العائلة ....

نرجس غطات وجها فرحان وكضحك من قلبها ..

- ناااري ماعرفاش كيفاش انتصرف نهار نكون انا وياه تحت صقف واحد راه غير سميتو كتخلي قلبي يضرب بجهد لدرجة كنحس بيه ايخرج من بلاصتو فما ادراك يتزوجني ونولي ديالو نخاف غير نموت بالفرحة ...

#تتبع