[#رواية_نَـسْـلُ_الـقَـبَـائِـل ]
الكاتبة : FATIMA Z-F
الجزء الأول : ضياء القمر....
الفصل 79:
تصلب جسدو كامل ونفس بدات كطلع وتهبط و وجهو حمار وبكلام عصبي اول مرة كيخرج عن طوعو بطريقة غريبة ورغم ذالك كاتم الغيض ديالو وقال لأمه ...
عبدالواحد : زوجتيها ليا ...
عفراء حركات راسها بسرعة ..
- لا...
عبد الواحد بيقين : ما تكدبيش عليا اميمتي جيني صراحة ...
عفراء بصدمة : ما كتيقش فيا ...
عبدالواحد : تيقة الواليدة كيعمل عليها الواحد باش ينالها ونتي لعبتي عليا ...
عفراء : غادي نشرح ليك ...
عبدالواحد : الواليدة شرح كيكون من كنجي وكتهضري معايا بيني وبينك ،تعاودي ليا شنو درتي ورا ضهري لكن نتي حطيتيها ليا قدام ناس واش عارفة باش حسيت بداك الوقت ...
عفراء حلقها نشف : عارفة اولدي والغلط مني ..
حدر راسو وقال بهدوء...
- ما كنتش نمشي عكس كلامك ولا تسمعي مني كلمة لا لكن هادشي بضبط لي درتي ولي وقع ليوم ماخليتي ليا تا حاجة..نتي مخبية عليا وهي ناعسة فبيتي شنو بغيتيني نفهم من هادشي كامل من غير انها مراتي وانا لا علم لي بهادشي درتو لي فراسكم وخليتوني حمار وسطكم كضحكو عليا وتسيروني كيف بغيت ...
رجعو عنيها حمرين مقدراش تهضر وهو كيسول بهدوء...
- ماشي مراتي ؟؟..
عفراء : لا ...
عبدالواحد : خطيبتي !!..
عفراء : اه ...
زير على يدو حتا بداو كيبانو عروق يديه منفوخين وشاد راسو كيحاول ما يرفعش صوتو ..
- اذا باش من حق تنعس فبيتي ...
عفراء كتحاول تبرد القضية ..
- ماشي مشكل اولدي راك اصلا ماكنتيش يعني مدارت تا حاجة حرام ..
هز عينو وشاف فيها بعصبية ...
عبدالواحد : لحرام امي هو ديك سيدة عرفاني كيف داير وحدودي واضحين وباينين ومكنبغيش لي يتزاوجهم هي ماشي غريبة لي عاد اتعرفني وتغلط هاد لغلطة وتنعس فبيت راجل ماهو حلالها ما خوها ما وااالو ...
عفراء : لكن راها خطيبتك ..
عبدالواحد طلع ليه دم ...
- انا ما قبلش بهاد الخطوبة ...
#تتبع
[#رواية_نَـسْـلُ_الـقَـبَـائِـل ]
الكاتبة : FATIMA Z-F
أنت تقرأ
نَـــسْــــلُ آلـــقَـــبَـــائِـــلْ
Romance#عـــــــدت " الى جميع قارئاتي العزيزات لقد تدفق الزمن كالنهر، وضيعت طريق العودة إليكم، ولكنني ما زلت أحبكم بصدق" #الكاتبة : [#FATIMA_Z_F] #الرواية : #نَـــسْــــلُ_آلـــقَـــبَـــائِـــلْ القصة ابطالها ابناء ابطال قصة #قدر_المنحوسة مكاين تا ترا...
