نَـــسْــــلُ آلـــقَـــبَـــائِـــلْ

الفصل 76

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 158:

خرجات من بيتو فرحانة وعنيها كيبريو توجهات لبيتها لقات شمس مزال ناعسة وهي تجلس على طرف ناموسية  كتشوف فساروت وكل مرة ضحك فرحانة  تا فيقات شمس بكثرة ضحكها ..

شمس بصوت تقيل وعنيها كتحلهم بزز..

- نتي مالكي فايقة فنصاصات ليل كتكركري غير بوحدك..

نرجس بقات كتفرنس وحيت ما كتخبي والو على شمس قالت ليها لي كاين ...

-كنت مع عبدالواحد..

شمس فاقت من نعاسها وتوگدات كتشوف فنرجس بصدمة..

-فهاد ليل..

نرجس حركات راسها وحيدات زيف من وجها  وبانت عليها الحشمة وحنيكاتها حمرين  بقات شمس غير كتشوف فيها..

- اودي اختي الله يعطينا وجهك...

نرجس بالفرحة لي مزال شداها قالت ..

- رجعي تنعسي خليني اختي فراحتي..

شمس عطاتها بضهر ورجعات تنعس ماتصوقاتش ليها ونرجس حيدات بينوار وخبات ساروت لي عطاها ومشات نعسات حدا شمس وعنيها كيبيرو كتشوف فصقف وكل مرة تركل فبلاصتها تا عصبات شمس ..

- واانعسي اصاحبتي تال غدا وما هنا ما تركلي كيف بغيتي ..

نرجس دورات وجها لعندها وقالت ...

- كيف كيبان ليك وجهي واش نقص شوي من جرحات لي فيه..

شمس بنعاس لي فيها جاتها نيشن..

- براو شوي ولكن مزال لاثار ديالهم باينين وكيبانو حمرين بزاف فوجهك ...

نرجس: مبقيتش زوينة كيف كنت ياك ...

شمس بغات غير تنعس : خاصك غير ترجعي كيف كنتي واتولي زوينة...

نرجس تنهدات بحزن: شحال قدي نساين ، لا وجهي تنقى ولاشعري بقات عليه الهمة والشان ...

شمس داتها عنيها مابقات كتجاوبها ونرجس بقات ساهية كتفكر وعقلها داها لداك نهار لي دارت فيه كسيدة وهي تكمش حجبانها وحركات شمس من بلاصتها...

نرجس: ديك الهضرة لي قلتي ليا واش بصح..

شمس بصوت تقيل كتهضر بزز..

-شمن هضرة ؟؟..

نرجس: نهار لي عيطتي عليا فليلة لي درت كسيدة ..

دارت عندها شمس ونعاس شاد فيها..

- اش فكرك فديك ليلة عوتاني ...

نرجس : بغيت غير نعرف علاش قلتي ليا ديك الهضرة ..

شمس رجعات نعسات : نسيت اصلا اش قلت ..