نَـــسْــــلُ آلـــقَـــبَـــائِـــلْ

الفصل 71

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 149:.

توجه لأرض بعيدة من   لفيلا  جلس  تحت خيال شجرة  وبقى كيشوف بعيد  حس بجعفر جلس حداه وبقى ساكت مدة عاد قال ..

جعفر: اش بان ليك فهادشي لي واقع ..

عبدالواحد: ماعندي ما نقول الواليد خويا لي خاصو يقرر ...

جعفر حرك راسو بفهم : كيف غادية امورك مع نرجس..

عبدالواحد تبسم : حمدلله  بنت ناس وضريفة وعارفة بينها وبين الله ، وداكشي لي بغيت فالمرا لقيتو فيها ...

جعفر : راها بنت جمال ومينة وهي لي عندهم ونتا عارف رباوها على دين وطاعة وعقلها خفيف وكتسمع الهضرة مغاديش تلقى معاها مشكل ...

عبدالواحد حرك راسو بفهم ...

- تبارك الله داكشي لي شفت فيها ...

جعفر هز حجبانو: كتبغيها  ...

عبدالواحد جاوب عادي : فيها دكشي لي بغيت  ...

جعفر عاود قال  : كنهضر على الحب اولدي واش كتبغيها ؟؟!..

بقا ساكت لمدة طويلة  تا ضن جعفر انه مغاديش يجاوب عاد سمعو قال ...

عبدالواحد : كنتعرف عليها بشوي و هي حشومية وهادشي عجبني فيها ومعنديش مشكل نكمل معاها حياتي ...

جعفر فهم قصدو وقال..

-الحب اولدي كيجي مع لوقت خاص غير لعشرة دوم وتعاملها كيف امرنا الله ورسول ونتا عارف ديك بنت ناس كتبغيك بزااف ...

عبدالواحد حدر راسو  وبقا ساكت وجعفر كمل كلامو ..

- ماكنقولش لك راها كتبغيك باش نكتف ليك يديك راني عارفك اولدي قلبك حنين وما تقدر تكسر خاطر حد ولكن لي بغيت نقول لك عمرك اتلقى وحدة تبغيك بحالها ...

عبدالواحد بقى كيشوف بعيد وقال بشوي..

- خرجت من لبلاد من كان فعمري 18 سنة ومن تم معاودت رجعت  تا كتاب ليا نرجع هاد لمرة  وهي على حساب عمرها خليت عندها 16 سنة فداك لوقت ...

جعفر فهم كلامو وتبسم : بغيتي تعرف كيفاش بغاتك ونتا كنتي غايب سنين هادي ...

عبدالواحد سكت وسكوتو باين انه باغي يعرف جواب هاد سؤال لي حيرو ما عرفش وقتاش هاد بنت ناس بغاتو وهو سنين خوا بلادو لدرجة انه نساها ونسى ان كاين شي وحدة سميتها نرجس فعائلتو ...

جعفر لي سكات ولدو فهمو وقال ..

- كانت كتبغيك من كان فعمرها 13 سنة ونتا يلاه كانت عندك 15 سنة ...

عبدالواحد بسرعة هز فيه راسو وصدمة باينة فيه وقال ما متيقش..

-13 سنة ؟؟؟..