نَـــسْــــلُ آلـــقَـــبَـــائِـــلْ

الفصل 17

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء الأول : ضياء القمر....

الفصل 32:

اسية جراتها بعصبية رجعاتها  لفيلا ونطقات بغضب...

- شهاد لكلام كتقولي سيد مزوج وبولادو ..

ساندية عضات شفاه ديالها بقوة : مابيناش عليه ،  كيبان صغير وشاد فراسو ...

اسية: معلوم شاد فراسو حيت بفلوسو و الفلوس ابنتي ما كيكبرش مولاهم ..

ساندة جلسات كتدور فعنيها وصورة جعفر ما فرقاتش مخيلتها ...

- دابا قلتي ان هدا هو جعفر ...

اسية: اييه هداك هو سي جعفر لي بغينا نتناسبو معاه...

ساندية بمكر : علاش ما نتزوجش بيه انا...

اسية جلسات حداها مصدومة: كفاااش...

ساندية : كيف سمعتي علاش حنا انديرو هاد دورة كاملة ونتبعو بنتو وهو قدامنا نقدر ندورو بيه ونخليه يتزوج بيا وكلشي يرجع بين يدينا ...

اسية تبهضات: ولكن معروف على سي جعفر الجدية بزااف ومكيهزش لعين فالمرا من غير مراتو ...

ساندية ضحكات : ماما زعمة راكي فاهمة راجل وكتعرفي اش تحت راسهم..رجال كلهم عزيز عليهم بنات لي كيكونو بحالي صغارات وتايقين بنفسهم و زوينات مراتو باينة اتكون شارفة وزيد رجال لباس عليهم عنيهم كتكون خضرة وانا متأكدة لو شافني ايطيح فيا...

اسية جمعات حجبانها كتفكر وساندية كتزيد تفسر ليها ..

- تصوري اماما تزوجت بيه  خيرو كامل ايولي ديالي  وديك ساعة ماشي غير انرجعو كيف كنا بل غادي نزيدو نكبرو كثر ...

اسية:  ولادو ومرتو ...

ساندية : مكيهمونيش صراحة وباين غير من لبس بنتو كيف اتكون مراتو وهو خاصو شي نوع بحالي لي يفتاخر بيه قدام ناس ويعرف انه مزوج بزين وقارية من لفوق وعندها عقلية اروبية لي تعاونو فالخدمة ....

اسية : صراحة ما عرفت ما نقول هادشي خاصك تقوليه لباباك وخوك حيت هما لي كيعرفو سي جعفر مزيان ...

بقات ساندية كتفكر و تعض فشفايفها وصورة جعفر محطوطة قدام عنيها وقلبها كيضرب بجهد و حناكها تصبغو بحمرة الخجل و الإفتتان...

برا كمل جعفر من المكالمة و رجع ركب فسيارة وحداه عفراء كانت ساهية فمكان لي كانت واقفة فيه ساندية و اسية ومن دخل جعفر دارت عندو كتشوف فيه وهو صغر عينو ..

جعفر : مالكي...

عفراء تكات على لكرسي وتبسمات ابتسامة خفيفة وملامحها حاملين رقة ..هزات يديها  لمسات  لحيتو باصابعها وقالت بغنج واضح فصوتها ...