#رواية_نَـسْـلُ_الـقَـبَـائِـل ]
الكاتبة : FATIMA Z-F
الجزء الأول : ضياء القمر....
الفصل 43 :
لطوف بدات كتضحك : الله اولدي دغيا نسيتي نرجس...
كمش حجبانو : نرجس؟؟...
بقا عاقل غير على تشاش حيت من نهار كبر مبقاش كيجلس مع بنات العائلة ورجع اكثرية كيجلس فالقبيلة و كيخرج يخيم مع صيادة و الخيل ...
لطوف شافت بنص عينيها فنرحس لي عضات شفايفها من لتحت وعنيها حمارو شداها لبكية ومستحملاتش تهبط دموعها ، فقط بقات مزيرة وشادة راسها ولطوف تنهدات بجهد ..
لطوف: لغربة اولدي نساتك فشحال من حاجة من نهار خرجتي من لبلاد معاودتي رجعتي ليها ....
عبدالواحد تنهد : ضرورة الميمية هي لي كتفرض دير شي حوايج و الحمدلله هاد الغربة داتني لطريق مزيان مكنتش نحلم بيها..
لطوف بفهم: فعلا اولدي داتك لطريق الله و الحمدلله داكشي لي كنتي تمناه ها نتا لقتيه ..
عبدالواحد: حمدلله..
بغا ينوض يجمع طبلة وهي دخل ليه لطوف لهضرة بدون ما تعيق مهم ديرها ليه فراس ...
- مابقتيش عاقل على نرجس كانت ديما لاصقة فيك وكتعيط عليك عبدو شحال من مرة غوتي عليها وصححتي ليها اسمك كانت كتعصبك من كتعيط عليك بهاد سمية ...
تكا علي لكرسي ساهي كيقلب فذاكرة ديالو وهو يحرك راسو ...
- مزال عاقل عليها شوي غير هو صراحة نسيت على شكل وجها ...
لطوف : معلوم تنساها اولدي من خرجتي من لبلاد خليتيها وهي فعمر 15 سنة دابا تبارك الله عندها 24 سنة ...
عبدالواحد وقف حط لماعن فلفابو وقال بشكل عادي...
- تبارك الله لوقت دغيا كيدوز وكلشي كيكبر ...
لطوف زربات عليه : اييه اولدي وتشوفها كيف ولات تبارك الله مرا واشمن مرا زين وكلشي فيها كيحمق لي شافها كيجي يخطبها ...
عبدالواحد حرك راسو بفهم : تبارك الله ، الله يسهل عليها ويلاقيها مع ولد ناس ...
مسح يدو وخرج من الكوزينة توجه لبيتو وبقات لطوف جالسة وكتشوف فالهاتف والأتصال لي تقطع من خرج عبدالواحد...
تنهدات بجهد وهزات تليفون وخرجات عند راجلها لي جالس فصالون كيقرا القرأن مشات جلسات حداه وهو بدون ما يهز راسو من القرأن قال ..
العربي : دخلي سوق راسك شوي وبعدي من لولاد...
#تتبع
#رواية_نَـسْـلُ_الـقَـبَـائِـل ]
ВЫ ЧИТАЕТЕ
نَـــسْــــلُ آلـــقَـــبَـــائِـــلْ
Любовные романы#عـــــــدت " الى جميع قارئاتي العزيزات لقد تدفق الزمن كالنهر، وضيعت طريق العودة إليكم، ولكنني ما زلت أحبكم بصدق" #الكاتبة : [#FATIMA_Z_F] #الرواية : #نَـــسْــــلُ_آلـــقَـــبَـــائِـــلْ القصة ابطالها ابناء ابطال قصة #قدر_المنحوسة مكاين تا ترا...
