نَـــسْــــلُ آلـــقَـــبَـــائِـــلْ

الفصل 61

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 130:.

شمس كتحرك فبلاصتها : غير صاحبتي ..

نرجس ربعات يديها فوق صدرها وقالت ..

-وهاد صاحبتك كنعرفها ..

شمس ساطت بجهد : ماشي أي وحدة كنعرفها خاصك تكوني كتعرفيها ..

نرجس نطقات اسمها بعصبية : شاااامس...

شمس بقات كتشوف فيها ساكتة ومزيرة على تليفونها ونرجس قالت بعصبية ..

- راني صاحبتك ولي عندي كنقولو لك ماكنخبي عليك والو وانا وياك مدوزناش قليل وكنعرف لكدبة لو كدبتيها فجيني لصراحة بلا كدوب ..

شمس هبطات راسها وقالت بتردد ..

- خليني غير نكون مستعدة ونعاود ليك كلشي ..

نرجس تنهدات براحة وجلسات حداها وقالت بلطف ..

- راكي ختي وصاحبتي ولوستي وكلشي ومعزتك راكي كتعرفيها وانا راه سرك نخبيه فبير وماشي اول مرة كتجربيني ..

شمس حركات راسها بفهم : عطيني غير شوي ديال لوقت ..

نرجس بفهم : هادشي فيه الحب ..

شمس عنيها لمعو وحركات راسها بفرحة ونرجس قالت بتردد..

- مبارك..

شمس بسرعة خسرات ملامحها ..

- افففف واش ضروري تجبديه ليا ...

نرجس كمشات حجبانها: يعني ماشي هو ..

شمس شافت فيها بصدمة : من نيتك كتهضري تسلاو رجال من دنيا باش نبغي هذاك ..

نرجس: متسالاوش رجال من دنيا ولكن مغاديش تلقاي واحد كيبغيك بحالو ..

شمس بسخرية: كاين منو عدد غير هما كيحشمو على عرضهم اما هو مزال غير مدرم عيت ما نرفض ومزال تابعني ..

نرجس كتفهمها غير بشوي ..

- وعلى هادشي لي دايرو على قبلك راه مكاينش لي يبغيك بحالو  ...راه من كان فعمرو 16 وهو كيبغيك و ماشي ساهل عليه يبقى تابعك كل هاد سنين ..

شمس صاطت بجهد: عافك اختي بلا ماتعاودي ليا هاد لقصة شوفي غير راسك نتي بعدا نهار بغيتي بغيتي واحد من مستواك ماشي بحالو باغي وحدة عايشة فوق منو..

نرجس معرفات ما تقول وبدلات الموضوع .

- نوضي نهبطو لتحت راه بداو كيختارو لبسات ديال لعروس ...

هبطو لتحت جلسو مع العائلة ونرجس مرة مرة كتقيس وجها ولبلايص لي مزالين مبرواش وكيديرو ليها الحكة وساهية فالعائلة لي كيناقشو امور العرس وكل واحد كيعطي رأي ديالو ...