نَـــسْــــلُ آلـــقَـــبَـــائِـــلْ

الفصل 79

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 163:

حس بقلبو كيدق بجهد ونفس ديالو تزيرات وخا كان عارف انها كتبغيه لكن دائما كان كيسمعها غير من العائلة عمرها عترفات ليه مباشرة  وخا تصرفاتها واضحين لكن من قالتها بفمها وسمعها بصوتها حس براسو تزير عليه وبقا جامد فمكانو تا حس بيها زيرات عليه عاد رجع لراسو وببطئ هز يدو دورهم عليها وحضنها بشوي وقبلها فراسها وعضحط دقنو فوق راسها وتكلم بصوت لين واضح فيه الحنية..

عبدالواحد: وعلاش مقلقلة ؟؟

نرجس مغمضة عنيها كتسمع لدقات قلبو ونطقات بصوت خافت..

- كنتي باغي تزوج بغيري ..

كمش حجبانو وجاوبها مباشرة ..

- لا ، كنتي غير نتي بوحدك..

حسات بقلبها رتاح عارفاه مكيكدبش وكيقول لحاجة نيشن ..بقات نمعلقة فيه مصبراتش تبعد من حضنو وقالت بحزن..

- وشكون بنت شيخ لي بغيتي تزوج بيها...

عبدالواحد تزير : قالت ليك شمس شي حاجة ...

نرجس بقات ساكتة وهو حط يدو على كتافها وبعدها منو بشوي  ودخل يدو تحت زيف حطهم على حناكها كيمسح ليها دموعها وقال فنفس الوقت..

- نهار رجعت لمغرب كنت مشيت للأستاد ديالي ومن عرفني باغي نتزوج دكر ليا البنت ديالو وانا قلت ليه خاطب وحدة خرا...

نرجس غمضات عنيها مستمتعة بلسمات يديه فوجها وقالت مسحورة ...

- شكون هي..

تبسم ونزل راسو لعندها  هز ليها زيف بشوي وصلو حدا نيفها وقرب عندها كثر حتى حسات بأنفاسو الساخنة قرب وجها وقال بصوت عدب خلى شعر لحمها يوقف..

عبدالواحد: كاينة غير نتي وممعولش ندير وحدة غيرك و الوعد عطيتو ليك شحال هادي  نتي بوحدك لي كاينة انرجس..

حط فمو فوق فمها وقبلها بلطف شديد خلا عيونها يبريو والقلب يفرح  كأن الدنيا كلها ملكاتها بين يديها والحزن لي كان مخيم عليها طول نهار تحول لفرح لا يوصف  وهو بعد منها بشوي وحط اصابعه على شفاه ديالها لمسهم و بصوت غليض وتقيل قلل كلام لي خلا دم يجمد فعروقها ...

عبدالواحد: كتعحبيني انرجس .."تبسم"..كتعجبيني بزااف ...

#تتبع

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 164:

وصلها لقاعة وتسناها تا دخلات عاد طلع لفوق وهي داخلة ساهية وعقلها مرفوع مشات جلسات حدا لبنات لي كيشوفو فيها وعفراء من شافتها دخلات عرفات الأمور تحلات ومشات تقابل بنتها قمر لي هادي ليلتها اما نرجس جالسة ومجالساش بقات  غير هضرة ديال عبدالواحد لي فالمسمع ديالها وكل مرة ضحك غير وحدها باين عليها الفرحة خلات كلشي مفاهم فيها والو ..