نَـــسْــــلُ آلـــقَـــبَـــائِـــلْ

الفصل 78

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 162:

كلماتها خلاو أمها وباها مصدومين  وعنيهم مشات لعبدالواحد لي رجع يدو لعندو وسد لباب عليها ورجع لسيارتو بدون ما ينطق كلمة وخدة خلاها حادرة راسها وكتحس بروحها كتكال من لداخل باغية تموت وباباها قال بشوي ..

جمال: مالكي ابنتي اش واقع ليك ..

نطقات كلمة واحدة ..

نرحس: والو ..

جمال كيحاول معاها : واش دابزتي نتي وعبدالواحد ..

نرجس : لا ..

سكت ما عرف باش يزيد معاها  وعبدالواحد طلع مباشرة ركب فسيارتو بدون ما يهضر ديمارة سيارة ودار سينيال ليسر داز عند مبارك  لي طل عليه من نافدة السيارة كيضحك..

مبارك: والله اصاحبي ما فيا لي يمشي غير سير...

عبدالواحد بهدوء واضح فصوتو : دخل اصاحبي محتاجك فشي حاجة ..

مبارك دخل جلس حداه ودار عندو كيشوف فيه..

- بنتي ليا ماشي تال لهيه ياك لباس...

عبدالواحد شد طريق وتبع سيارات ديال العائلة وقال بشكل عادي..

- والو ...

مبارك حرك راسو وبقاو ساكتين تا وصلو قدام لقاعة خرجو طلعو مباشرة لطابق تاني لي فيه رجال وطابق الأول دخلو ليه نسا ..

جلس حدا باه وخوه وفجهة ليمنة جالس مبارك لي تا هو لابس سروال توب زرق مع قامجة بيضة وحيت زين ومفورمي جايب لعين لراسو وكيبان هو وعبدالواحد بحال بحال نفس طول والفورمة وزينهم مخليهم يخطفو الأنضار بدون ما يديرو تا مجهود وجالس معاهم ضياء لي فرحان بنهارو وشاد فدراري لي جاو مع گانتو وشخصيتو ..

ضياء: هي صافي قرقبو عليك تا نتا ..

عبدالرحمن ضحك بلا خاطرو ..

- عرسك جاب لينا الخير تبارك الله ، انا و لخوادري تقرقبنا بجوج..

ضياء هز راسو كيضحك : ياك بعدا دخلت عليكم بالخير هادشي لي بغيت ...

جعفر تبسم وقال : هاد ساعة شفنا منك غير الخير الحمدلله ..

ضياء بقى غير مبتاسم بدون ما يتكلم وعبدالواحد وسطهم طول لوقت وهو ساكت ما دخل فهضرة مقال كلام ... بدا تليفون ديالو كيصوني  شاف لميساج ديال عفراء وهو يجمع لوقفة وقال بشوي ..

- واحد نص ساعة ونرجع ..

مبارك بغا ينوض وهو يمنعو وقال ...

- غير خليك  تا نرجع ..

نزل بسرعة خلاهم كيشوفو فضهرو لي غبر ورجع شي كيشوف فشي ..

سليم: مال لبرق بان لي مغير ..