نَـــسْــــلُ آلـــقَـــبَـــائِـــلْ

الفصل 7

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء الأول : ضياء القمر....

الفصل 12:

وخا محاملاهش لكن مقدراتش ترد عليه بشي جواب خايب حيت عارفاه صاحب خوها ولو وصلها لعبدالواحد ايجي يعلقها من ودنها ...

بقات حادرة راسها كتشوف فالارض وحركات راسها بشوي وقالت..

شمس: صافا حمدلله ...

مبارك : تغديتو ولا مزال ...

نرجس: تغدينا اخويا لقيتينا انرجعو بحالنا ...

مبارك : طريق سلامة ...

بقات عينو على شمس لي حادرة راسها وخا كيبغي يبعد نضراتو ومايعيقش لكن ما كيقدرش.. كتسرق ليه نضراتو بجمالها والعناد لي واضح فملامحها ...

ركبات فسيارة وبقا متبعهم فمكانو حتا ختفات سيارتهم ورجع عند لخدامة لي جابهم معاه  ، طلبو الأكل وكل دراري لي معاه كيعرفو جعفر و ولادو مزيان  ،نطق واحد فيهم كيسول مبارك..

-هادي شمس ولا قمر ...

مبارك فرق عليهم لخبز وقال بصوت خشن : شمس..

- سبحان الله مكنقدرش نفرق بيناتهم كيجيوني كيتشابهو ...

مبارك برفض : لا كاين الإختلاف فالملامح ، شمس باينة وقمر باينة ...

مازدوش معاه فتسوال حيت گاع ناس لقبيلة عارفين مبارك كيبغي شمس بنت جعفر  ولكن شكون فولاد لقبيلة لي يستاهل بنت جعفر  وخا مبارك خدام وبدراعو ولكن خدمتو على قد الحال اما بنت سي جعفر من صغرها كبرات وسط الخير ديال باها وعايشة في فيلا كتشبه لقصر اما مبارك عندو دار صغيرة مجموع فيها هو وخوتاتو و امه حتا بيت  خاص بيه ماعندوش ...

تنهدو وبداو كياكلو بصمت اما هو هز دغمة قربها لفمو ورجع حطها وجمع لوقفة خرج مابقات عندو شهية ولا گانة لماكلة ....

فطريق داخلين وسط مدينة قنيطرة كيقلبو على باركينغ فين يخليو سيارة  و يخرجو يتمشاو على رجليهم ..

شمس مخسرة ملامحها : مبارك !!! ،شوفي غير سميتو كيف دايرة لا علاقة ..

نرجس : يا ودي بقات فسمية ...

شمس ساطت بجهد : اففففف عارفني ما كنحملوش ما عرفتش علاش خاص يجبد سميتي فكل مرة كيشوفني ...

نرجس دورات راسها : لمن  انا كنعاود زابوري ..مكاين لي كيحس بضربة ديال  مبارك قدي انت   ،  بجوج طاح حبنا على حجر ديال صم ...

شمس  رجعات زيفها لور وخرجات شوي من شعرها لي غطاتو من شافت مبارك وقالت بعدم رضا ..