[ #رواية_نَـسْـلُ_الـقَـبَـائِـل ]
الكاتبة : FATIMA Z-F
الجزء التاني: خطايا شمس نرجس.
الفصل 145:.
هبطات وعقلها مرفوع جلسات فصالة بوحدها وكل ما كتفكر فشيك كضحك غير وحدها ولبنات جالسين فصالون لأخر كيسمعو لضحكها جابت ليهم شك ..
ناضو مسرسبين مشاو جلسو حداها هازين فيها حجبانهم ..
ملاك: مالكي غير كضحكي...
نرجس بعيون كيبريو : وعلاش ما نضحكش ...
قمر تبسمات: قال ليك عبدالواحد شي حاجة ...
نرجس بقات غير كتفرنس وهزات شيك حلاتو بشوي قدامهم وهما خرجو عنيهم فيها ..
شمس: خويا لي عطاك هادا ..
نرجس بفرحة: اه ...
ملاك: وعلاش...
نرجس مقداها فرحة: قالي صداقك..
قمر تبسمات: تستاهلي ...
ملاك: يا ختي شحال صخي فرحاتك بيه ..
نرحس خنزرات: بقاي حضياني تا تعينيني..
ملاك قالت من نيتها ..
- صراحة لي عندو عبدالواحد يحسدوه ناس ...
نرجس بصدمة: ياك اختي حاطة عنيك عليه بلا حشمة ...
ملاك : غير قولي شكون ما يحطش عينو عليه غير لعور ولا ما عندو عقل ..
كلشي خرج عينو فيها ..
شمس: ملاك لعني شيطان خويا راه تزوج ونرحس بحال ختك زعمة ...
ملاك : وراه ماشي أناخدو ليها انا غير كنقول اي واحد ايتعجب بيه راه عمري شفت شي واحد بحالو لا فزين ولا فلكلام ولا فتصرفات يخلي قلبك يضرب وخا تكوني كيف ما كنتي ...
نرجس تجننات : لا كملات بقيتي لي غير نتي فالحساب...
ملاك هربات منها : وراه غير كنهضرو مالكي محسوسة اصاحبتي انا غير كنقول ما كرهتش شي واحد بحالو وصافي اما عبدالواحد ديالك الالة مكاين لي يحيدو ليك ...
نرجس بعصبية : شوفي هضري فلي بغيتي بعدي غير من عبدالواحد وعومي بحرك فلي كان ..
ملاك: اودي فين انعوم رجال بحال عبدالواحد مكاينينش...
كلشي بقا غير كيشوفو فيها ..
قمر: راكي مسهلاش ابنت خالي ...
ملاك : والله اختي ما كرهتش تا انا نتزوج عرفتو شحال حسدتكم بغيت تا انا لي يدير لي بحالي كيدير ليكم رجلاتكم ...
نرجس تبسمات وقالت غير بضحك..
- اوا شوفي ليك مع عبدالرحمن هو لي بقا ليك..
أنت تقرأ
نَـــسْــــلُ آلـــقَـــبَـــائِـــلْ
Romance#عـــــــدت " الى جميع قارئاتي العزيزات لقد تدفق الزمن كالنهر، وضيعت طريق العودة إليكم، ولكنني ما زلت أحبكم بصدق" #الكاتبة : [#FATIMA_Z_F] #الرواية : #نَـــسْــــلُ_آلـــقَـــبَـــائِـــلْ القصة ابطالها ابناء ابطال قصة #قدر_المنحوسة مكاين تا ترا...
