نَـــسْــــلُ آلـــقَـــبَـــائِـــلْ

الفصل 4

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء الأول : ضياء القمر....

الفصل السادس :

جعفر حط الجريدة فجنب ، هز كاس اتاي وقال ..

- خليها على راحتها  ياك عايشة فخير باها دير ما بغات انا ديما فصفها ...

عفراء : اوا نتمناو دير حاجة مزيانة ...

جعفر : بنتي هاديك و تربيتي ومغاديش دير الحاجة الخايبة ..

بقات عفراء وقمر ساكتات مردوش على كلامو حيت هما لي عارفين شكون هي شمس وكفاش كتفكر وهما لي كيخبيو مصائبها على جعفر و يغطيو عليها ...

جعفر شاف فقمر : كيف دايرة مع دوك تلاميد ديالك...

قمر : لاباس ابابا وخا كاين تمارة ولكن حمدلله...

عفراء : اوا الله يسير ليك امورك غير ما تعدبيش معاهم نتي عارفة ولاد ليوم كيطيرو ...

قمر : ما تخافيش عارفة كيف نتعامل معاهم واصلا عندهم عزيزة بزاف و كيتبعو معايا فالقسم ...

جعفر جمع الوقفة : اوا نوضي ابنتي نوصلك قبل ما نمشي لمكتب ديالي ...

عفراء: غير سير انا انوصلها معايا ...

توادع معاه وخرج لخدمتو وبقاو هما مع بعض يكملو فطورهم ...صونا صونيت  فلباب وتقدمات لخدامة حلات و دخلات عليهم نرجس بعباية وفولار مغطي شعرها و رغم انها مادايرة والو فوجها لكن جمالها خلاب وزينها عاطي لعين لدرجة مكتصورش ...

عنقات عفراء بجهد ..

نرجس: عرفتي اخالتو شحال توحشتك ..."رسلات قبلة لقمر"..زين صافا ...

عفراء: وقتاش رجعتو ...

نرجس: فليل وكيف فقت جيت عندك نتي لأولى وها هو لكادو ديالك ..

حطات ساعة نسائية بلون فضي و نفس ساعة بلون مختلف عطاتها لقمر لي قبلتها بإبتسامة ...

-مكانش عليك تعدبي راسك ..

نرجس: هانية الحب مهم من تسافرو ما تنساونيش...

عفراء: الالة تسافري معانا وتاخدي لي بغيتي ..

نرجس نفخات شفايفها : اوا عنداك غير ديرو ليا بحال لعام لي فات من مشيتو لسعودية تشوفو عبد الواحد وما قلتوهاش ليا ومشيتو غير وحدكم....

عفراء: اوا راكي عارفة عبدالواحد كيف داير هو كيرتاح غير مع خوتاتو ..تزاد مرا اخرى مكيبقا يشرك معانا كلام...

نرجس قلبها طايب : واش انا غريبة اخالتي ياك غير بنت خالتو مينة ...

عفراء: اوا هاد بنت خالتو هي لي مهمة كون كنتي ختو مزيان ولكن كتبقاي بنت خالتو انرجس وانا مغاديش نخفي عليك عبدالواحد راه شديد بزاف والعين ما ميهزهاش فالمرا من غير خوتاتو وانا ....