"පණ්ඩිත කතා කියවන්නේ නැතුව ඔහොම ඉන්න! හරියට වතුර එකක්වත් ඉස්මොල්ලේ යවාගන්නේ නැතුව බොන්න බෑ බබා"
අම්බර පිහිනවා මදිවට මං ගාවට ලං වෙලා තව මගේ මූනත් අල්ල ගත්තා! ඇයි මට ම මෙහේම වෙන්නේ?? මාව නිකන් රත් වෙනවා වගේ දැනෙනවා අප්පා!!
"මොකෝ මේ රතු වෙලා..."
හනේයි!! මට දැන් අර දොර කඩාගෙන එලියට දුවන්න ඕනේ!! මොන එහෙකට ද ඔහේ මාව මේ කාමරේක තියාගත්තේ ආහ්?!?? බලනවා දැන් වස ලැජ්ජාවනේ!!?? දැන් මට ලැජ්ජවෙන්නත් වෙලා!! මොන ලෝකෙද මනුස්සයෝ ඔහේ මෙහෙ පාත් උනේ??
"ම.. මං රතු වෙලා නෑ!"
ඒ මදිවට ගොත ගහනවත් එක්ක!
"නැත්තේ මොකද..."
අසූවට විතර රත්වෙලා ඉන්න අස්සේ අම්බර මගේ කන්මුලකට එයාගේ එක අතක පිට අල්ල ගෙනත් තිබ්බා. මං දිහා මට මෙහෙම කරපු දෙයියොම බලාපිය! මගේ පපුව ගැහෙන වේගේ වැඩි වෙලා ඇගේ හිරිගඩු පිපෙන්න ගත්තා...
ඉතින් අත තිබ්බ ගමන් අම්බර ගේ කට කොනක් උඩට ඇදෙන්න ගත්තා... හරි! එයාට මං රත් වෙලා ඉන්නේ කියලා තේරෙන්න ඇති!!! ඔහොම හිනා වෙන්න එපා මට දැන් පොළව පලාගෙන යන්න හිතෙනවා!
"ඔයාට උණ ගැනෙන්න යනවද කොහෙද සියූ.."
අම්බල ඒක කිව්වේ කින්ඩියට නොවුනට මං දන්නව දැන් ඔයා හිතන දේ!!
"න්.. නෑ! ගිහින් ඇදුමක් දාගන්න නැත්තන් ඔයාට තමයි උණ ගැනෙන්නේ! එහෙම උනොත් ඔන්න මං නම් නෑ!"
"එහෙමද? මට උණ ගැනෙයි ද? ඉන්න බලන්න"
අම්බර!!!!!!!
ඇයි මේ මිනිහට අගලක්වත් පස්සට යන්න බැරි! ඒ මදිවට දැන් එයා එයාගේ උණ බලන්නත් පටන් ගත්තා! හනේ දෙවියනේ!
"ම්හ්! මට නම් රස්නයක් තේරෙන්නේ නෑ..! සමහරවිට මං නාපු නිසා වෙන්න ඇති! සියූ බලන්න ටිකක් මට උන ද කියලා"
මොකක්?? මං මෙතනින් පැනලා දුවන්න හදද්දි අම්බර මගේ අතක් අරන් එයාගේ කන්මුලකින් තියාගත්තා! හනේ දෙවියනේ මාව මරපිය!
මෙතනින් පැනගන්න මං හිතෙන් කෑගහන අස්සේ දැන් මං මේ දකින අම්බර ගේ බැල්මට මගේ හිතත් ගොලු කරා. ඒත් හදවත තාම දාහට විතර ගැහෙනවා මට ඇහෙනවා.. මේ මොකද්ද වෙන්නේ ම. මට මෙහෙම දේවල් කලින් දැනිලත් නෑ..
YOU ARE READING
අපි පියවි ✓
Non-Fiction(Non fictional BL) මේ ලෝකේ ඉන්න ලොකුම බොරුකාරයා කවුද? _ ඒ මම.