هنحط السيخ المحمي في صرصور قلبه - شريك الحياة

37- ده اللي عندي:

لازم تعرفوا إنكم مش محتاجين تبذلوا أي مجهود مع شريك الحياة، إدوله الحب بالطريقة اللي بتعرفوها وخلاص. لو هو فِهم إن ده حُب يبقى شاطر وذكي ولمَّاح وكفاءة، بس لو مافهمش، يبقى يخبط دماغه في الحيط.

الناس اللي بالي بالكم طالعين في موضة جديدة اسمها إنك تحاول تتعلم لغات الحب الخمسة، وده له هدفين مهمين، أولا إنك تعرف شريك حياتك عايز يتلقى الحب إزاي، وتاني حاجة علشان تتعلم تشوف الحاجات اللي بيعملها على إنها حُب، ولما تتعلم لغات الحُب الخمسة هتعرف إنه بيحبك وكمان هتتعلم تبين له إنت عايز تتلقى الحب إزاي. يعني مثلا انت لما بتحب حد بتجيب له هدايا، بس يمكن شريك حياتك بيحب يتلقى الحب في شكل كلام رومانسي وهيام وغرام، وبالتالي مهما جبت له هدايا فهو مش شايف إن ده حب، وساعتها تبتدي تظهر حبك بطريقة الكلام، وكمان تبين له إن الهدايا اللي انت بتجيبها هي رسائل حب له، وساعتها هتشوف السحر بعينيك. (لغات حب إيه وكلام فاضي إيه. انتوا مجانين وهتجننوا الناس بكلامكم ده).