إياكم تحسسوا شريك الحياة إنه مهم في حياتكم أو إنكم ممكن تقضوا وقت مميز معاه، خلوا بالكم أصل ده بينمي الحب والرومانسية في البيوت، وإحنا مش عايزين كده، ده إحنا هدفنا قتلهم، علشان كده خلوه دايما يحس بالدونية، وإن في حاجات تافهة كتير أهم منه زي التكنولوجيا ووسائل التواصل الإجتماعي. لازم يكون عندكم إدمان للألعاب اللي على الموبايل والكمبيوتر، وإدمان لكل وسائل التواصل الإجتماعي بشكل كبير، وأوعدكم إن ده هيقتل إهتمامه بيكم بصورة لن تتخيلوها. ويا سلام بقى كمان لما تقللوا التواصل معاه شخصيا ، وتتكلموا من خلال وسائل التواصل دي، كده انتوا بتشوطوا في الجون.
وبرضه وللأسف هتلاقوا بتوع الصحة النفسية بيقولوا إن كل الحاجات دي مهمة ومطلوبة في الحياة بس لوقت محدد فقط كل اليوم وإلا بتتحول إلى إدمان وبتؤدي لإنهيار العلاقات الجيدة بين شريكي الحياة. (بس هما مش واخدين بالهم إن ده هو اللي إحنا عايزينه).
YOU ARE READING
هنحط السيخ المحمي في صرصور قلبه - شريك الحياة
Romanceمقدمة دموية مدمِّرة رقيقة من القلب يالَّا نقتل الرومانسية والحُب في بيوتنا الكتاب ده عامل زي دليل الكشافة بتاع سوسو ولولو وتوتو في مجلة ميكي اللي بيلاقوا فيه حلول لكل حاجة، بإختصار الكتاب ده مش ممكن تستغنوا عنه في حياتكم الزوجية أبدا، أصلكوا هتلاقوا...
