إوعوا تسيبوا الحياة هي اللي تتحكم فيكم، لازم تبذلوا كل ما في وسعكم إنكم انتم اللي تتحكموا في حياتكم. واللي هيساعدكم إنكم توصلوا لكده إنكم ترسموا خط سير واضح للحياة، وكمان تحطوا كمية كبيرة جدا من اللوازم والضروريات والمفروضات والخطوات والحواجز والموانع لكي تصلوا إلى التحكم في مجريات الحياة. والخبر السعيد إنكم كلما تمسكتم بالحاجات دي، هتلاقوا شريك الحياة بيتخنق لوحده من غير أي مجهود منكم علشان أصبح عندكم كمية معوقات وممنوعات بتخليكم في أغلب الأحيان تقولوا: مش عارف / مش قادر / مش عايز / مش بحب كده / مش متعود على كده / بلاش اللمس بالطريقة دي / الناس هتقول إيه / عيب / ما إتربيتش على كده / المكان ده مش من مستوايا / مش بعرف أقول كلام حب / مش بحب أسمع كلام حب / ...
الناس التانية اللي بالي بالكم بقى هتلاقيهم بيقولوا كلام غريب أوي، بيقولوا إن اللوازم والضروريات والمفروضات والخطوات والحواجز والموانع دي بتصعب الحياة عليكم وعلى شركاء الحياة، وإنكم كل ما تلغوا أو تقللوا منها ومن المصاعب اللي بتحطوها دي، هتحسوا بحرية أكبر وهيكون عندكم مرونة أكبر، وكمان لازم يكون عندكم استعداد لخوض وتجربة حاجات جديدة من شريك الحياة لإن ده بيضيف روح المغامرة للحياة الزوجية وبيزيد من جمالها. وكمان هيطالبوكم بالهدوء والإسترخاء وبيقولوا لكم Relax, nothing is under your control. (دي ناس مش حاسين بالمسئولية وعايزينكم تكونوا رايقين زييهم).
أنت تقرأ
هنحط السيخ المحمي في صرصور قلبه - شريك الحياة
Romanceمقدمة دموية مدمِّرة رقيقة من القلب يالَّا نقتل الرومانسية والحُب في بيوتنا الكتاب ده عامل زي دليل الكشافة بتاع سوسو ولولو وتوتو في مجلة ميكي اللي بيلاقوا فيه حلول لكل حاجة، بإختصار الكتاب ده مش ممكن تستغنوا عنه في حياتكم الزوجية أبدا، أصلكوا هتلاقوا...
