هنحط السيخ المحمي في صرصور قلبه - شريك الحياة

27- نقطة هامة عند المشاركة في أعمال البيت :

لما يكون في نية مشتركة بينكم وبين شريك الحياة في تنظيف البيت مع بعض، خلوه ياخد الحاجات الصعبة الرزيلة، وكل واحد منكم يشتغل في حتة بعيد عن التاني علشان ما يحصلش أي ماس كهربائي أو عاطفي.

وبأحذركم من الماس الكهربائي العاطفي علشان ممكن يكون شريك الحياة بيسمع لنصائح الناس اللي بالي بالكم، أصلهم بيقولوا في نصايحهم إنكم لما تساعدوا بعض في مهام البيت إظهروا أجمل ما عندكم، واشتغلوا انتم الإثنين في نفس المكان، تبصوا لبعض بهيام، تتغزلوا في أجسام بعض بشقاوة، وتتعمدوا كل شوية تلمسوا بعض بحنان، وبيركزوا أوي على موضوع اللمس ده علشان بيقولوا إن معظمنا لا يملك ثقافة لمسية ، ولا ندرك الأثر الكبير الفعال لهذه اللمسات بأنواعها المختلفة. (على فكرة، بطريقة اللمس والهمس دي البيت مش هيخلص ولا في سنة).