"ဟင့် နှမြောလိုက်တာကွာ။
မမပန်းက တကယ်ကြီးရည်းစားရသွားတာလား။ "
ပန်းအပါအဝင်ကလေးတွေကသာ မနားတမ်းပြောနေကြပေမယ့်လို့ ယိမ်းနှင့်ဝင့်လွှာကတော့ ဘာတစ်ခွန်းမှဝင်မပြောဘဲငြိမ်ချက်သားကောင်းနေကြ၏ ဝင့်လွှာက မာလာရှမ်းကောကိုသာ အာရုံစိုက်နေဟန်နှင့် ခေါင်းကိုငုံ့ထားကာ တို့စိတို့စိနှင့်စားနေလေသည်။ ယိမ်းတစ်ယောက်ကတော့ သူ့သူငယ်ချင်းနှစ်ယောက်အား တစ်လှည့်စီကြည့်ကာ အကဲခတ်နေဟန်ရပြီး သူတို့ပြောနေသည့်စကားတွေကိုလည်းအသေချာနားစွင့်နေလေသည်။
"ညီမလေးသက်ငုံဖူးလေးက မမရည်းစားကိုဘယ်လိုသိသွားရတာတုန်း ။ ဒီလောက်အသေအချာဖွက်ထားတာကို ။"
"ဟဲဟဲ ဟိုတစ်လောက ကဖေးဆိုင်မှာဒိတ်နေတာကို သမီးမြင်လိုက်တယ်လေ ။"
"ဟမ် !
__________________________
လက်ထပ်ပွဲနေ့။...
ယနေ့ဟာ နေနေနှင့်ယိမ်းတို့၏မဂ်လာပွဲနေ့လေပင်ဖြစ်လေသည်။ အစောကြီး ထ၍အလှပြင်နေရသည်ကြောင့် နေ့ မှာစိတ်လှုပ်ရှားမှုအပြည့်နှင့်ရင်တုန်ပန်းတုံဖြစ်နေရသည်။တစ်ချိန်တည်းမှာပင် နေ့လိုဘဲအလှပြင်နေမှာဖြစ်သည့် အစ်မကိုမြင်ယောင်မိတော့ ပြုံးစိစိဖြစ်နေရသည်။
"ညီမလေး ပြင်ပြီးပြီလား ၊ အောက်မှာလူတွေတောင်စုံနေပြီ။"
အခန်းထဲသို့ မမဝင်လာတော့ နေ အကုန်ပြင်ပြီးသလောက်ဖြစ်နေသည်။ တစ်ခုတည်းသောကျန်တာက ကျောလယ်လောက်ရှိသည့်ဆံပင်တွေရယ်သာ ၊ ထုံးရမလားမသိ ၊ ဒီအတိုင်းရိုးရိုးလေးဘဲ ချထားရမလားမသိဖြစ်နေလေသည်မို့
"မမ ငါ့ဆံပင်ကဘယ်လိုပြင်ရမှာတုန်း ။"
"အဟင်း ထုံးလိုက်ရင်လူကြီးနဲ့တူသွားလိမ့်မယ်၊ ရိုးရိုးလေးသာချထားလိုက် ။"
နောက်ဆုံးမှာတော့ မမ၏အကြံပေးချက်အတိုင်း မိတ်ကပ်လိမ်းပေးတဲ့ အစ်မနှစ်ယောက်က ဆံပင်တွေကို လိတ်ခွေပေးကာ ရိုးရိုးလေးချထားပေး၏ နေ မှန်ထဲကိုကြည့်ကာ ကိုယ့်ကိုယ်ကို ကြည့်နေမိသည်။ တစ်ခါမှ ဒီလိုမလိမ်းမခြယ် မပြင်မဆင်ဖူးတာကြောင့် အခုလိုပုံစံလေးဟာ နေနှင့်တစ်မျိုးလေးဆန်းနေသည်။ အရင်ကထက် အများကြီးပို၍မိန်းမဆန်နေသည်ကိုး။
YOU ARE READING
အချစ်၏ဟန်ပန်-𝑻𝒉𝒆 𝑺𝒕𝒚𝒍𝒆 𝑶𝒇 𝑳𝒐𝒗𝒆(Complete)
Poetry"ပရော်ပရည်စကားတွေပြောမယ်ဆို တို့လက်ခံစကားမပြောဘူးနော်" "အစ်မကလည်း ကိုယ့်ရဲ့ဇနီးလောင်းကိုတောင်ပြောလို့မရဘူးလား"? "အိုး တော်ပြီ မင်းပြန်လိုက်တော့"!!
