"ယိမ်း မျက်နှာလည်းမကောင်းပါလား။ဘာများဖြစ်လို့လဲဟင်။ "
"ဘာဖြစ်ပါဘူး ဝင့်လွာရယ် ။ ပုံမှန်ပါဘဲ။"
"မဟုတ်တာဟယ် ။ သူများတွေကိုလိမ်လို့ရရင်ရမယ်။ငါတို့အချင်းချင်းကိုတော့လိမ်လို့မရဘူးနော် ယိမ်း။ ဘာလဲ နေသော်နဲ့တစ်ခုခုဖြစ်လို့လား။"
စိမ့်စိမ့်ေလးအား ထားခဲ့ကာဖုန်းပြောပြီးပြန်လာကတည်းကယိမ်းမျက်နှာပျက်နေသည်ကို နှစ်ယောက်လုံးသတိထားမိလိုက်ကြသည်။ေဒါ်ေလးဆန်းမြအိမ်သို့ပြန်ရောက်လာသည့်အထိ ပုံမှန်မဟုတ်သည့်ယိမ်းကြောင့် မေးလိုက်မိခြင်းဖြစ်သည်။
"ယိမ်း ။ ငါတို့မှာဒီသူငယ်ချင်းလေးသုံးယောက်ဘဲရှိတာလေ၊ ငါတို့ကိုမှမတိုင်ပင်ရင် ဘယ်သူ့ကိုသွားတိုင်ပင်မှာလဲ။"
ပန်း၏စကားအဆုံးမှာ ယိမ်း၏သက်ပြင်းချသံ။
"တို့ ဟိုကလေးကိုမာန်လိုက်မိတယ်။ ဒါပေမယ့်တို့ကကောင်းစေချင်တဲ့စိတ်တစ်ခုတည်းအတွက်နဲ့ပါ ယူရယ်။"
"ဘယ်သူလဲ နေသော့်ကိုလား။"
ပန်းဆု၏အမေးအား မျက်နှာမကောင်းစွာဖြင့်ခေါင်းငြိမ့်ပြလိုက်သည်။ ထိုကလေးမကိုခုလိုမာန်မိတိုင်း ယိမ်းရင်ထဲတွင်လည်းနေလို့မကောင်းတာ ကိုယ်တိုင်သာသိသည်။
---------------
ဝင့်လွှာ၏စကားအတိုင်းဘဲ ထိုရွာလေးတွင်သုံးရက်ခန့်မျှနေခဲ့ပြီးတွင်ေတာ့ ပြန်လာခဲ့ကြသည်။
"မမ ပြန်လာပြီလား။"
ပန်း၏အိမ်နှင့်ပိုနီးတာကြောင့် ပန်းဆုနေသော်အားအရင်ပို့ပေးလိုက်မည်ဟု ဝင့်လွှာ၏အပြောအားခေါင်းငြိမ့်လိုက်မိသည်။
သူမတို့ကားလေးရောက်ရောက်ခြင်းပင် အိမ်ထဲကနေ jjဘောင်းဘီကြီးနှင့်ပြေးထွက်လာသည့်ကလေးမအား ကားမှန်ကနေတစ်ဆင့်ကြည့်နေမိသည်။
"အွန်း ညီမလေး။ အိတ်တွေကူသယ်ပေးအုံး။"
"ခိုင်းတတ်တယ်နော် ။သယ်ပေးမလို့ဘဲထွက်လာတာပါ။"
အချင်းချင်းပြောနေကြသည့်ညီအစ်မနှစ်ယောက်၏အသံတွေအား ကားထဲကနေ၍နားစွင့်နေလိုက်သည်။အမြဲလိုလိုမတည့်သည့် ဒီနှစ်ယောက်ကလည်းဒီလိုအချိန်ကျနွေးထွေးသားဘဲဟုတစ်ပြိုင်နက်အတွေးလိုက်မိရင်း ခပ်သဲ့သဲ့လေးပြုံးလိုက်မိသည်။
YOU ARE READING
အချစ်၏ဟန်ပန်-𝑻𝒉𝒆 𝑺𝒕𝒚𝒍𝒆 𝑶𝒇 𝑳𝒐𝒗𝒆(Complete)
Poetry"ပရော်ပရည်စကားတွေပြောမယ်ဆို တို့လက်ခံစကားမပြောဘူးနော်" "အစ်မကလည်း ကိုယ့်ရဲ့ဇနီးလောင်းကိုတောင်ပြောလို့မရဘူးလား"? "အိုး တော်ပြီ မင်းပြန်လိုက်တော့"!!
