အိမ့်ဆုနေသော်၏အခန်းထဲတွင် လူစုံနေကြ၏ အကြောင်းမှာ နေနေ့ ၏အခြေအနေအားသေသေချာချာသိရန်အတွက်သာဖြစ်သည်။ လူစုံနေကြသည်ဆိုသော်လည်း လူကြီးတွေမပါဘဲ ယိမ်းတို့သူငယ်ချင်းသုံးယောက်ရယ် ၊ နေနေ ရယ်နဲ့ ကိုစည်သူမျိုးတို့သာရှိသည်။ ဒီကိစ္စအား လူကြီးတွေကိုပေးမသိစေချင်တာကြောင့် အားလုံးတိုးတိုးတိတ်တိတ်လုပ်ရသည်။
ဒေါက်တာစည်သူမျိုးဟာ ဆေးစာရွက်အချက်လက်တွေအား တစ်ရွက်ချင်းလှန်ကြည့်နေလေသည်။ စိတ်ပူနေသော ယိမ်းဟာလက်နှစ်ဖက်အားပွတ်သက်နေမိပြီး နေနေ ဟာလည်းစိတ်တွေလှုပ်ရှားနေလေသည်။
'ညီမ အရင်ကနေမကောင်းဖြစ်တုန်းက အဖျားကြီးခဲ့တာနော်။ ရာသီတုတ်ကွေးမဟုတ်ေပမယ့် ရေထဲမှာအကြာကြီးထိုင်နေခဲ့တာကြောင့် အဖျားရှိလာတာမျိုးပါ။ ဒါကတော့ စိတ်ပူစရာေတာ့မရှိပါဘူး။"
ထိုအခါမှ အကုန်လုံးအသက်ဝဝရှုနိုင်ကြတော့သည်။
"ခေါင်းခနခန ကိုက်တာကရော ဒေါက်တာ။"
ပန်း၏အမေး။
"ဓာတ်မှန်စစ်ဆေးချက်အေဖြအရတော့ ဘာမှထွေထွေထူးထူးမတွေ့မိဘူးခင်ဗျ။ ဖြစ်နိုင်ချေနှစ်ခုတော့ရှိတယ်။ မျိုးရိုးလိုက်တာနဲ့ စိတ်ဖိစီးမှုဒဏ်ကြောင့် အဲ့နှစ်ခုပေါင်းသွားတာကြောင့်ဖြစ်ပါလိမ့်မယ်။ အန်တီနဲ့အန်ကယ် တို့နှစ်ဦးထဲကတစ်ဖက်ဖက်ကများ ခေါင်းကိုက်မျိုးရှိလား။"
"ဟုတ် ဒယ်ဒီ့ဖက်ကတော့ ရှိတယ်။ ခေါင်းတွေခနခနကိုက်တာ ။ ဒါပေမယ့် ကျွန်မကျတော့ မကိုက်ဘူးရော် ။"
ပန်း၏အပြောကြောင့် ဒေါက်တာဟာပြုံးသည်။
"ဒါဆို ပန်းကကံကောင်းတာပေါ့။ ဒါပေမယ့် မကိုက်ဘူးဆိုပေမယ့်လည်း မျိုးရိုးကြောင့်ဆိုတော့ အနည်းနဲ့အများတော့ကြုံတွေ့လာနိုင်တာမို့ ဂရုစိုက်စေချင်တယ်။"
ထို့နောက် နေနေ့၏ဘက်သို့လှည့်ကာ
"ဆိုတော့ အခုငါ့ညီမဖြစ်တာက ရှင်းရှင်းလင်းလင်းပြောပြရမယ်ဆိုရင် စိတ်ဖိစီးမှုဒဏ်မခံနိုင်တာမျိုးပါ။ ငယ်ရွယ်တဲ့အချိန်ကတည်းက ဦးနှောက်ကိုအရမ်းအလုပ်ပေးထားလို့ လက်မခံနိုင်ဖြစ်ပြီး ကိုက်ခဲတာမျိုးဖြစ်ပါလိမ့်ပါမယ်နော်။ ပိုဆိုးတာက မျိုးရိုးကလည်းရှိနေတာဆိုတော့ ကိုယ့်စိတ်ကိုပျော်အောင်ထားစေချင်တယ်။"
KAMU SEDANG MEMBACA
အချစ်၏ဟန်ပန်-𝑻𝒉𝒆 𝑺𝒕𝒚𝒍𝒆 𝑶𝒇 𝑳𝒐𝒗𝒆(Complete)
Poetry"ပရော်ပရည်စကားတွေပြောမယ်ဆို တို့လက်ခံစကားမပြောဘူးနော်" "အစ်မကလည်း ကိုယ့်ရဲ့ဇနီးလောင်းကိုတောင်ပြောလို့မရဘူးလား"? "အိုး တော်ပြီ မင်းပြန်လိုက်တော့"!!
