حنين

النهـــــاية

و كيف قلت الانوثة كتنبض منهم بقوام للبلدي ملفت و شعر مرفوع و تاج فوق راسها كيف راها فقلبو .. خلقات طوال و عنق عامر بالجوهر متوسطاه ذهبية فالوسط .. و سمطة متوسطة قوامها غار منها .. هو بوحدو للي عندو الحق فيها .. كتشوف فيه بنتو جامعة كتيفاتها خجلا كتسمعهم كيزغرتو عليه و اشيرو ليها و تردها ليهم بأنوثة .. كحاز عندهم و على اثرو وقف حتا راشد من بلاصتو و حنان للي سالات نقيشها كتصفق بالهوى بلا متلاصق يديها و تحرك كتافها معاه للي غادي ..
تقولي غا معروضين مساكن ماشي العرسان .. حمقو حتا النكافات خلاوهم بصدر رحب اعيشو نهارهم من غير لا كان شي تعديل كيقادوه اخرجو التصاور زوينين ..

وقف حتا تحنى عند بنتو كيبوسها و شافت فيه حتا حنين كتضحك .. خدا بيديه لمنية يديها لمنية كذالك باسها قدامهم .. تسمعااات ليهم "اووووووووو" جاتها الضحكة .. سبقاتهم كتوريهم .. كلسات فالميدة ديال الحنة نيت و بقات كتشوف فيها كتضحك حتا شيرات ليه اعطيها ليها ..
- تركبي ابابا مع روح ؟

ردات عينيها لماماها فاتحة يديها .. حركات راسها ليه و حطها فحجرها كيقادو ليها حتا هي و الدنيا ناشطة كيصوروهم .. واخا هاد الكلمات المفروزين للي كنعاود .. مكتسمع الكلمة حتا كيقرب شي عند شي .. الدنيا مقربلة حتا الطبالة لقاو العوين بنادم ناشط شخضوها ..

رجع باللور فاش سمعها قالت ليها "شدي فالجناب" و تمو جايين ربعة ديال الدراري .. هزو فالأول غا بشويا حد ركابيهم
- صافي اختي ؟

- ضحكات ليه : بإسم الله ..

هزواها تهز قلبها مع خفافات شويا جاوهم على الكانة .. هزوهم كيتحركو بيهم و التصفار غا يوا .. داير يديه فجيبو حاضيهم من الجنب .. رغد كدير باي باي و حنين كتدوي معاها تبتها لا تكون مخلوعة ساعة مبقاتش فالأرض السيدة ..
دخلات لمياء كتجري معاها آدم مشات تلقى ليه .. حتا حبسات ففم الباب و فتحات يديها ليه للي كيزينهم خاتم قابط فيديها داخلين بجوج ..
هوما للي تكاتبو لهيه و تزوجوا بلا خضور عائلتها حتا اعوضوها فالمغرب و فرحها للي قريب كذلك غيدار غا فدارهم .. زيادة على ولد فحالو مكان عليهم الا اوافقوا عليه بعينيهم مغمضين و خصوصا عيسى للي قراه نهار وقف معاه وقفة ديال الصح .. للي ميديرهاش معاك واحد من فاميلتك ..

هبطوهم رغد ولات حمرة و حنيكاتها سخان .. وقفوها حابسة حتا وقفات حنين جاي عندها عيسى اعاونها توقف ... رجعات للداخل نصلات حوايج ختها للي لبساتهم نيت وراها ..

ريحة البسطيلة و المشوي وصل كلسو الدراري بيناتهم محمد كيهضرو و اتعلى صوتهم بالضحك مرة مرة
تجمعوا على الطوابل و بدا كيتسربى العشا .. العرس كان خفيف و نشاط على عشرة
خدات صخر حاطاه عندها كياكلو بالتاويل .. مدوزين النعمة بالضحك حتا ناضت حنان و راشد كيرحبو بيهم كيدورو على الطوابل ..

غا وصلوا لعندهم هو انطق راشد ..
- كولو رزقي للي تزرفت فيه كوووولوا

جاوبو عيسى شد الضحكة غفلوا شرب الما مجاوبو
- انا فرحان غا فاش مبقيتش غنجيبليك الماكلة معايا .. ها حنان توجد ليك تانتا (غمزو)