حنين

بارت ٥٣

كلشي كيشوف فيهم خصوصا للي عارفين .. منى من بعيد كتمسح عينيها بالخف و راشد للي كيلوح عينيه مرة مرة لعيسى مقسح من جيهتو و المنظر للي قدامو هو للي جا فالدخلة و صراحة ماشي غا هو حتا من نادية شافتها جاتها صحاحت شويا على كي مشات المهم حمد لله الى كان غا تغيير لما حسن و بحسن نية ردات عينيها للعرسان حداها نجية القلوبة كيخرجو من عينيها ..
عيساوا خدامين و البنات كيهللوا ناشطين .. الدراري و البنات قرابين فرق سنوات قلال مهللين و الصالة كتنبض بالشباب .. المهم البلان للي طرى مغطاش على نهار ختها ..
حسات على راسها هازاتها معنقاها غادين غابرين للداخل .. غا شافتها لمياء تزاد معايا الزايد .. حتا وقفات متهجمة غادا خارجة .. شي للي لاحظوا عيسى مفهمش السبب .. ميّك على البلان مدور وجهو طالق ضحيكة بسنيناتو لخوه واقف معرض لحنان و الدار كاملة كتنفض بصلاة و السلام .. طبسيل ديال التمر معمر و الشكلاط محطوط مع طباسل كبار ديال الحلويات المغربية بالطبلة الثانية .. للي بغا شي حاجة امد يدو بلا حساسيات ..

جاتو فنة .. مراتو و عائلتو الجاية .. بغاها حلالو .. عطاتو يديها قابط فيها مخليين ليها فين تكلس حداه .. شدها باسها ناضو الدراري ناشطين معاه كيغوتو "اوووووووه" كيضحك معاهم حمقو الجو .. و هي كتحرك حجبانها كتقليلهم السم كيضحكو على حماقهم .. كلسات حداه و على اثروا حبس التطبال .. و جا وقت المعقول .. شي كيهضر مع شي مدوزين اتاي و بلا رسميات واخدين راحتهم .. الروايح و الزين كتشاير ..

هي للي غا خرجات هازاها حتا دخلات للبيت مفتوح بدلوا فيه الدراري كلسات على الفراش مزيراها لعندها تبوس و تقول ما باست و رغد كتشهق ليها فعنقها .. هزاتها من عليها .. دارتها خايبة بزاف .. ندمات حتا ندم زغب راسها على شنو دارت ..
المهم ماشي هاكا !..

كتمسح ليها العوينات الكبار للي ولاو حومر .. هي للي شدات فلبستها حانية راسها :
- توحشتك امامي

شافت فيها فلتات ليها دمعة مسحاتها بالخف تحنات باست حنيكاتها : حتا انا توحشتك بزاف

- و علاش مكتهضريش معايا ؟ (نخصة) هئ الخدمة ا مامي بقيتي فيها بزاف

حركات راسها متفهمة انهم كيقولوليها الخدمة .. حتا هزات راسها فلمياء للي دخلات عندهم عاقداهم ..
- حنين كنقوليك الثقل لا ! شحال من مرة غنعاودها ليك !!

شافت فيها رغد : متغوتيش على مامي ..

تبهضات حنين من كلامها و لمياء من وجهها للي مهجم ليها .. جاتها الضحكة مشات عندها باستها كلسات حدا حنين ..
- مكنغوتش عليها احبيبة (شدات وجه حنين بجغاتو باستو) راها ختي كنتسطى عليها

دارت ضحكة خفيفة على منظر وجه حنين حاطة يديدة على فمها جامعة كتيفاتها .. كتشوف فمنظرها .. قاعيدة فيها و مزال .. فبالها "امكن مبعداتش حتا لداك الحد !" ..