حنين

بارت ٩

وصل الصباح صونا تيليفونو ضار اطفيه .. دار دراعو على وجهو فبالو راه فبيتو معاقلش بمرة اش وقع حتا بدا رجعلوا السيناريو أول بأول حتا طلعات معاه الصهدة و تنفض ضاير للجيهة لوخرا و للي كان كيتمنى ميوقعش لقاه وقع و فات للهيه ..
لقاها عاطياه ظهرها السمر و درعانها شويا عريانين و شعرها مطلوق ساتر المعري ..
ناض خرج من الغطا لابس بوكسر حط رجليه لقا المشوارات عامرين د.م ضارت بيه الدنيا ناتف راسو غادي دايز للحمام ..

طلق الرشاشة بما بااااارد و هو تحت منو كيفكر .. راسو طااااايب بشهوة 7 الدقايق بالضبط للي ندم عليهم حتا ندم السواد الزغب للي نابت فراااسو اما شي شيب باقي منبت .. هو بصح بو بنااااات و مدوزهم و لكن عمرو مفات معاهم الحدود و لا فكر اضيعهم عارف عندو ختو و ميبغي حد اتفللى عليها ..
هادي وحلة و عمروا ما تصور اطيح فيها و لو خطيبتو و على أبواب الزواج ..
سالا التدوش لبس تما بينوار معلق و خرج للبيت لي كان حط فيهم حوايجو .. لبس و جمع الدنيا و لاح للي يتلاح غا خرج من الكوزينة لقاها فايقة كالسة دايرة البلانكيت على صدرها و كترد شعرها ورا وذنيها زعما
حشمانة : صباح الخير ..

واااااا العافية للي شاعلة فيه محاس بيها حد ولا غيحس بيها شي واااحد عااارف غلطهم بجوج و لكن للي رجع عليه هي حاول اهرب بالحق رداتو و رجع .. هدن من صوتو و برد نفسو : صباح النور نوضي تلبسي مشا الحال ..

لوات عليها الغطا مزيان كتستر راسها غا وقفات حسات شويا د الحريق حتا رجعات كالسة : أييي ..

هو غا رجعات كالسة فشلو عليه رجليه كاع قرايتو تبخرات مشا زربان عندها : مالك مالك ؟

كوثر بخجل : هههه متخافش غا مقسحا شويا و صافي (حطات اديها على وجهو) شكرا حيت تقتي فيا ..

عيسى هزها غادي بيها للدوش : دوشي انا غنمشي نعلمهم اليوم عيانة و نيت نهضر مع مالين لي غوسوغس هيمان (les ressources humaines) عطيونا كونجي فأقرب وقت (نزلها) هضري مع داركم اوجدو كلشي .. (باسها فراسها بندم) بالصحة رتاحي انا مشيت !

غا خرج و هي توقف مقاد مكاين لاحريق لازعت .. نتهدات فحال للي حيدات عليها حمل، فرحاااانة كأنها دارت انجاز
وقفات قدام المراية كتشوف راسها مبتاسمة حتا فتحات فمها كتهضر معا راسها : مدام الوزاني و (هبطات عينيها حطات يديها على كرشها)
الخليفة ..

دخل لدار بشكل و بشخصية و خرج منها واحد آخر ..
خرج من دارها زعفان غادي للكلينيك مرفوووووع مكاينش فوق الأرض.. ميمكنش شحال من كسيدة كان غيدير لولا حفظ الخالق ..
دخل داز نيشان لعندهم اعلمهم بالكونجي فأقرب وقت ممكن .. ساعة والو بعدو ليه لادات حتا نوضو فيه الجعرة .. حيح عليهم عاد كيهدنوه اتفاهمو .. عرضو عليه اقتراحاتهم حتا تفاهمو على واحد 7 أيام مقدما ابتداءً من الإثنين و للي غيحيدوها من 20 يوم للي عندهم فالقانون و للي يقدرو ياخدوها ابتداءً من الشهر الجاي.
خرج جبد تيليفونو معيط ليها جاوباتو بصوت محلون ساعة معندو خاطر : علمي داركم السيمانة الجاية العقد وجدي الوراق و حفلة بيناتنا .. من بعد شهر عندنا 13 يوم نديرو عرس و لا نمشيو لشي بلاصة و لا للي بغيتي ..