حنين

بارت ٣٢

.. بريبة حرك راسو فاهم ما فاهم اش كيقول .. بدا بالخطوبة داز لبنتو شويا شويا داز لجوا .. اش كيقول هذا !!
خدا الجوا فاتحو هاز بادي بلي زاناليز كيقراهم ..  كمل كيقرى حتا سالا  سد الورقة محرك راسو
منعم حاضي وجهو : شنو بانليك ؟؟

عيسى : غا من الشوفة الأولى باين سوء التغذية .. مكاتكلش مزيان ولا مالك !

- ضرب فالطبلة كيهضر بسنانو عصبو : عيسى رد بالك معايا ماشي انا علاياش جايبك اليوم .. فتح الورقة عاود قرى السمية

حل ورقة من جديد هز عينو للسمية قراها و سد الورقة بعفوية .. حتا دارلوا راسو "طن" رجع حالها بجهالة .. كيقرى و اعاود اقرى مبغاتش تسرط ليه .. بخط عريض و حجم كبير عينيه على Raghad Alouazani قلبو تزير عليه جاتو البكية .. حط الورقة على الطبلة هبط راسو كيحرك شعرو .. اش هاد النهار !!
رد عقلو ناعل الشيطان اسمع من باه هز عينيه فيه حومر نقطة من الدم فثانية : اش هادشي .. واش بنتي نيت ؟؟ شرحلي !!

- سي منعم قاهروا منظروا و تعجب لمنظر لعينيه لتحولوا فجزء من الثانية .. للأسف بيناتهم حدود راسمينها لبعضياتهم واحد مقادر افوتهم و لا ادير الخطوة الأولى ..
بكبرياء و انف اريستوقراطي مبين مكانتو طوا يديه بادي الحكاية من اولها
- بعدما مشيتو هبطات مراتك هازا رغد كتبكي .. عطاتهالي متهربة متسببة بماماها و واقعة شي حاجة و لو معنديش خبرة كانت بالفرحات عليا .. البنت صغيرة حاطة اديها على درعانها كتبكي طبيعة الحال مكان عليا الا نشوف مالها .. لاطراس حمرة و الصباع مرسومين .. بنتك اعيسى جاتني انورمال سمحلي مخديش اذنك هزيتها ديك الساعات ديتها للطبيب اكشف عليها (هز داك الجوا نفسو مخرج منو تصاور ناشرهم فوق الطبيلة) عيسى بنتك كتعاني من الحرمان، سوء التغذية و العنف .. فين كنتي فهادشي كامل !!

فين هو عيسى .. راسو بقاليه عرق واحد اتبوشا هاد النهار كلشي تجمع عليه من كاع الجوايه .. من جيهت قلبو، من جيهت خاطرو و من جيهت كبدتو

شافو باه هكاك مبغاش ازيد عليه  : البنت باقا صغيرة حمد لله هادشي ممأثرش على أعضائها الداخلية العلاج كاين و غترجع طبيعية فحال قراناتها .. المهم خاصك تلقا حل ( سكت ثواني قبل ميكمل ماشافت عينو) مراتك عندها سر آخر .. ماماها للي جابتها للدار موصلاها .. كانت صحة سلام حالتها لا تدعو للقلق من غيرها هي للي كان حالها مهواش .. رجعات للدار بلا متسول فبنتها داخلة بيتها و هادشي زاد أكدلي شكوكي ..
.
.
جمع داك المنظر المؤدي من قدام ولدو للي مبلوكي ليه تما .. التصاور اغلبهم فيهم دقة زرقة، صفرة و لا فالموv اغلبية ففخاضها و لا جنابها ..
كمل كلامو رادو للمعقول و الواقع الأليم
- هاد الساعة انا للي خاصني شرح اولدي !

عرفو سالا كلامو هز سوارت الطموبيل و بزطامو منطق بحتا كلمة من قبيلة هو صابر .. عينيه حومر حومر اخلعوا للي طول فيهم الشوفة حتا هو حاس بيهم شاعلة فيهم العافية كيدمعوا بوحدهم كيعيا اتعرض ليهم كيمسح مبغاوش احبسو .. شكون داها فيهم هاد الساعة .. داز لاكيس جبد للي جا فيديه مخلص غادي فحالو كيسمع للدري كيعيط ليه اعطيه الصرف ..