حنين

بارت ٥٨ - نهاية الفصل الثاني "عتـــاب"

كالسين حاطين كاس ديال اتاي و دوازو .. نادية لداخل كتقاد العشا دايرين لحم بالبرقوق و حسوة لحنين حيت مجهد عليها اللحم .. كالسين كيتجمعو حاطينو فكونة ديالو و رغد طالقة راسها على باباها كلسة على فخضو كتشوف فخوها من بعيد باقي مقاصتو و لا شافتو ..

حنين كدوي حتا شافتها .. هي تشوف فعيسى على الله اشوفها و داكشي للي كان .. حتا غمزاتو شيرات ليه عليها .. دور وجهو لقاها كتلعب بصبيعاتها فحالو هو للي كيحركهم و هو ناعس مرة مرة .. حاضيها بحب لكيفاش باقي مهيدنة حتا ضارت عندو تهضر معاه حتا لقاتو كيشوف فيها نيت ..
جراتو لعندها محني حشمانة كتهضر بشويا حيت معلمينها حشومة تهضر فالوذن ..
- بابا !

- نعام ابابا

- واخا فاش افيق نشوفو .. مشفتوش كاع .. امتى غيفيق ؟ غيكبر دغيا ؟ و امتى غيدوي ؟

ضحكو كاملين بالشويا .. هوما للي سكتو كيرويو فضولهم بفضولها و لاسئلتها .. خرجات ليهم راسها للي كان مغطيه بقامتو .. وجهها حمر حشمانة كتضحك حتا هي ..
حتا دوات ثريا ..
- دابا افيق الوليدات الصغيورين كينعسو بزاف و بالسلامتو دابا يكبر و العب معاك احبيبة فاش غتبراي حتا نتي و تلعبي معاه و تهزيه .. ياك احنين ؟

- لابسة الكحل جامعة شعرها بوجه مبشور عميمر بلافاز مناش دازت : را قلتها ليها هي ختو الزوينة الكبيرة سعداتو عندو رغد ختو غتلعب معاه و توريه اكتب حيت رغد مجتهدة .. و تقوليه غسل سنيناتك قبل متنعس .. ياك

شادة ضحكتها دايرة يديها على فمها حشمانة حتا نطقات منى كيطلعو ليها المعنويات لا تغير من بعد من الاهتمام الكبير و الجهد للي كيتطلبو البيبي و عيسى كيبوس فيها قلبو عامر ..
يااااااه عائلتو كبرات ..

منى : شنو كيقوليك جدك سي منعم !! .. (طرطقات صبعها) اه الاميرة الصغيرة .. دابا حنا عندنا بزاف ديال الأميرات من ثريا هي للي كبيرة فالبنات للي قريب توللي ملكة .. حتا ليك ..

هزات فيها عويناتها الكبار شبه ديال رغد طلقات ضحيكة خفيفة غزالة فحال روحها .. تقول هي للي كيديرو بخاطرها لا تجيها الغيرة .. حنيكاتها حمارو كتشوف فمنى كيف جبداتها "ملكة" ..
ضحكات ضارت كتشوف حتا تلاقات عينيه حاضيها بضحيكة خفيفة .. زوجها شريك حياتها .. عينين مرتاحين لشوفتها .. عوجات عنقها فيه خرجات شنافتها هي للي كالسة حدا حنان فوق الطابي كتكب ليهم اتاي و ميهرس تركيزهم غا سي السيد للي فاق ..
غا شافتو هبطات من رجلين باها مشات حداه واقفة هي تكحاز حتا حنان معوجة فمها ف"هاد العجب" هي تكحاز حتا ثريا بعشق لا متناهي ..

جابوليها الضحكة .. حتا نطقات كتشوف ف ثريا خصوصا ...
- هزيه اثريا (وقفات مزالة واكلة العصا كوقف معكَزة حاطا يديها على كرشها) .. وريه ليهم راه فحال ولدك .. نخوي الحليب من الفونطوز و نجي و اعطيه ليه ..

شاف فيها واقفة هو اوقف مسندها غاديين بجوج كتشوف فيهم منى فالتة ليها ضحيكة على منظرهم .. اما واحد ثريا و "فحال ولدك" على وذنيها .. كتعاود حتا بانو ليها سنيناتها كيفاش خلاتو ليها .. و شكون للي اخليلك كبدتو هاد الوقيتة !.. هزات صبعها ناكرة كاع للي حداها و بعينين كيبريو تلمسات صبيعاتو .. زعمات حتا هزاتو عندها و كلسات فين حاطنو كالسة حداها حتا رغد كتضحك معجبة متبعاه كي كيبكي .. الوليدات الصغار معندهمش فالعائلة من غير عمها علي للي عايش فالغربة بيناتهم غا "ألو" .. هي الصغيرة و خوها تبعها على داكشي حماسها لامتى اهضر و امتى اتمشى و امتى العب مجاش من فراغ ..
حتا ضارت عندهم كتبكي فرحانة مشات تلاحت على جدها مصطفى معنقاه "اواوااو الأميرة" ..
مخنتينها بالمعقول ..