دقيقة و جوج و ثلاتة و ربعة و خمسة .. الثواني ثقالو و الدقايق كثر .. جاتها السخفة كتستامد طاقتها منو هو للي مزيرها .. سكت الجو و سكتات الدنيا كيتسمع غا صوت لي زاباراي ..
مهرسو غا "اوبلاااااا" من لمياء تا تبعاتها غوتة تهز عليها صوتهم بجوج كيبكيو .. مزيراه كثر لعندها و هو للي مخشي وجهو حدا شعرها .. اول مرة احس بهاد الضغط و بهاد الفرحة .. مبكاش على البيبي قدما بكا عليها هي .. من اللول عزها فحال بنتو و باقي كيشوفها فحال بنتو .. حبها حب أبوي ميبغيش النسمة تقيصها بالشر .. تفصل عليها تحنا ساجد حمد و شكر عينيه كستقطرو فالأرض ..
هز راسو كيضحك للمياء للي كتشوف فيهم من الجنب هازا ولدهم كتوريه ليهم .. دموعها حتا هي غا يوا ..
شكون قال و كان اقول المكاتب غتاخد هاد الدرب و هي للي غتشرف على توليدها بيديها .. صاحبتها الروح بالبروح .. ختها فالدنيا .. ختها بالقلب
تحنا فشلان عينيه شلال كيضحك كي الهبيل حتا ضارت عندو كتسجل شكلوا فمخها .. هبط عينيه تلقا لشوفت عيونها المدمعين حتا تحنى باس راسها مطول فيها و هز باس يديها كيردد "الله ارضي عليك .. الحمد لله" .. كيسمعوا لصوتو مكسر الدنيا صغيور فحجمو .. عطاتو للبنت للي معاها و طلبات منو ينوض ..
خرج بالزربة غاسل اديه من جديد داير الليكات .. قطع الحبل السري .. و خلاتو حداها كتخيط و اهضرو فرحانين دموعها على سبة هو حداها كيشوف و ملقا ميعقب ضحتو مخبية تحت من الماسك .. حتا بقات الطبقة السابعة العليا و الاخيرة .. خيطات النص و عطاتوا اكمل .. شاف فيها بنيتو خايف لا يشري ليها الصداع .. ساعة السيدة دخلاتو معاها كطبيب .. ديك الغبرة للي غبرات بين السوايع كانت كدابز مع المدير اخليه ادخل معاها ..
خدا من عندها الماتيريال و هي ضارت عندها كيبكيو جابوه ليها حداها كتبوسو ريحتو مسك .. لا ماشي مسك شي ريحة زوينة معندهاش دلالة و لا اسم .. كالسة حداها محنية مغمضة عينيها و بسمة خفيفة على محياها .. مرتاحة لأقصى الحدود .. مشبعاتش منو مخلياه حداها حتا عطاتو ليهم اكملوا ليه .. شادة فيديها كتهضر و تبكي ..
كيخيط بالشويا و بالعقل كيفيني ليها مخفف لاطراس للي غتبقى .. عقد فالاخير مدوز صبعوا بحنية لا تكون شي فتحة صغيرة .. هو جراح و خدمتو دايرها بنيتو .. .. خدا اللصقة مزير اللحم و ختم بالفاصمة و لصقة كبيرة من الفوق .. غا سالا حط للي فيديه محني بالعيا و بكمية التركيز على الخياطة و العيا ديال الوقيف و الفرحة و كلشي مخلط .. حيد الكمامة على نيفو و فمو هابط بايس كرشها للي باقا منفوخة .. باقي فيها اثره هو للي خرج للدنيا .. حيد ليكات من يديه راجع اللور .. شافو فيه بجوجات رد ليهم ضحيكة كيشوف فيهم و فيها خصوصا مزال كتهربلو دمعة من عينيه و اتلقا ليها قالب وجهو بالجنب ..
خرجو من حداها مخليينهم كيلملوا ليها .. خرج حيد الشوميز و البوني .. رامي كلشي واقفة حداه كيباركو لبعضياتهم .. غسلوا يديهم فشلانين و هوما 6 د السوايع واقفين تخسخوا بالمعقول .. كيهضرو شويا ..
كانو خرجوها موصلينها .. غا دخلوا البيت فين كاينة لقاوها ودعات ناعسة مجايبة للدنيا خبار ... لابسة و شعرها مفرش حداها .. اما عن الوليد الصغيور داوه للحضانة مراقبة لليلة الأولى ..
YOU ARE READING
حنين
Romance" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...
