راشد مد يدو : انا راشد عشير و ولد خالت هاد المريض (مشير لعيسي للي كيميق فيه) طبيب مقيم هنا، عندي العام السادس
سلمات حنين ببشاشة : متشرفة بيك انا حنين ساج فام، العام للخر غنبدا نخدم و منها نسالي معاكم سطاج .. (سكتات شويا و قالت) قلتي ولد خالتو ! يعني حتا كتجي لمياء ؟
راشد متفاجئ و بعيون كيلمعوا تقول معرت شكون جبداتيليه : وايلي كتعرفي لمياء ؟ هههه وي وي انا ولد خالتهم، فين كتعرفيها ؟
حنين : هههه انا جارتهم فكازا، صاحبتها و قرينا اونصومبل ..
تفتح الباب و خرج راشد هو و حنين كيكملوا جماعتهم و خلا وراه عيسى للي بقا غا كيشوف كي دار ليه ، ردو حمق و نساه فمرة .. خرج تابعهم و قلب طريقو متوجه لسيارتو دور وجهو لراشد لقاه طار مشااااا معاها موصلها فين حاطة اللوطو ..
راشد : متشرف بيك و ساعة سعيدة للي تلاقيت بصاحبة الأمورة ديالنا د العائلة (جا اكمل هضرتو حتا بان ليه جاي منير جيهتو خارج بلا بيه) ناري ولد اللذيناااا مشا مشااااا (مشا كيجري و هو كيهضر معاها) لا خصاتك شي حاجة مرحبااا
حنين جابلها الضحكة و رافعات صوتها يالاه اوصلوا : هههههه باي، شكرااااا بزااااف..
دخلات لطوموبيل كضحك و كتحرك راسها بلا حول فكرها غا فحنان .. هزات تيليفونها تصوني على منى تعاود ليها اش طرا و شنو دارو معاها ..
اما راشد مشا تبعو كيجري لقاه واقف كيساينو برا .. غا قرب اوصل هو اتحرك حتا كيبعد عليه و اوقف تاااااااني اتبعوا بجرا غا كيقرب اوصل عليه كيتحرك حتا سخفوا و كلس فوق الطروطوار .. رجع عندو عيسى كيطل عليه من الزاج ..
- بطنز فرحان بإنتقاموا عينيه فاضحينو : شفتك عييتي ! اودي اودي عوالنا الدافع على الآنسة بكري !
راشد كيلهت : واا بالرب تا مريض (طرطق فيه عينيه) كذبت ؟
عيسى بنص عين : هي نمشي ؟ قولها توصلك !
راشد : وا لا وا لا مالي اش درت كاع ! (ناض ضاير من القدام خايف .. كيقول اللهم انطحو و لا يهرب .. فتح الباب و ركب) غا البنت تعرفنا عليها و صافي حتا نتا عييقتي شويا ..
عيسى تحرك سايg : مكتفهمليش اصاحبي كنعيا ننبش كنلقا غا حيط .. و حتا ورا هاد السنين ولات كفس !
راشد معجب : بالعكس هضرت معاها دابا الله اعمر ليها الدار هضرتها نقية و عطاتني وقتي .. زيد (دار عندو فرحان) لمياء غتكون عندها صاحبتها ممزياناش ها ؟ (سكت شويا و كمل) كيفاش و را هاد السنين ؟ كنتي كتعرفها؟
عيسى كيحك لحيتو بيد و يد على الفولون : عقلتي باك د لمياء .. داك على موضوع الكسيدة للي كنت غندير فكازا ؟ (ساف فيه لقاه كيفكر) ديال البنت للي كنت غنضرب ! (حرك راشد راسو متذكر شنو كان عاوداوا) را هي ! كانت حاضرة حتا فالحفلة ..
CITEȘTI
حنين
Dragoste" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...
