ضارت نادية شافت فمنعم للي فهم طلبو محرك راسو و ضارت عندو بتاسمات ليه .. و بتاسمات لخجلوا للي بدل لون وجهوا الأسمر ...
- بالفرحات عليا اولدي ... فرحتي من فرحتك .. حرام واش نوقف فسعدك .. يالاه ندويو معاهم لا قبلوا بينا
...ناضو ب ثلاتة طلعوا للفوق اديروا الواجب و لو ماشي القاعيدة هي هادي .. و خلاو راشد مبلوكي فكرسيه كي شي جماااد من صباح كالس معاهم فالصالة مشافوا حد ... ماشي غا هوما حتا من حنان للي جاية عندهم كدردك .. بلونطاو الدري ادور ادور و اشوف فمحمد شاد تيليفونو و لا كسر و ارجع اشوف قداموا ..
طلعوا فالدروج حتا دخلوا للبيت كانو غا هوما بيناتهم زائد لمياء و نجية و ثريا .. حنحن منعم مخليين ليه مجال .. شافو مصطفى مشا عندو .. "سي الوزاني" ..
عيسى بقا على برا حشمان امكن و لا حتا لا كان الرفض اعبروا عليه براحتهم بلا ضغط او لا إحراجمنعم : سمعنا للي طرى .. جعله الله خيرا عليكم و علينا .. للي مشا فيها خير و للي جا فيه الخير .. الحمد لله على نعمه علينا و نسأل السلامة و العافية
- ونعم بالله ..
- و بعد هاد المقدمة و بطلب من عيسى .. جاي انا و نادية نطلبو منكم رسمي يد جوهرتكم حنين .. ما هو شفقة و لا غِطاء .. ولدي حب بنتكم و المكاتب كانت عندها كلام آخر .. كل واحد مشا فطريق حتا جمعهاتهم من جديد .. حمد لله العائلة مجموعة و العدول كاينين .. حنا منلقاوش حسن منكم و نتوما متلقاوش حسن منا .. عيسى من صغروا راجل رغم اننا مرتاحين ماديا الا عمروا مطلب مني الدرهم خرج صغير و جرب حر الحلال .. الا لا كان على كتوبة ديال دراستو فواجب عليا كباه نوفرهم كأي حاجة اخرى خصاتو ... (حنحن) المقصود ولدي شديد .. عقلاني و فالحزة ميفوتكش و هادشي فبنتكم و عن تجربة شخصية كندوي .. خصال كثيرة كيتشاركوا فيها بجوج (هزات راسها فيه)
- شاف مصطفى فمنى لحنات عينيها : اييه و لكن تبارك الله عندو بنت الله احفظها و مزوج .. بنتي منبغيها دخل حتى على شي بنت الناس ضرة و ..
منعم حنحن حابسو قاد وقفتو : عيسى تم طلاقو بأكثر من شهر .. و على البنت الأم عاطيا حضانتها للأب .. بما اننا جايين بالبياض و شفناكم عائلتنا من حقكم تعرفو اش واقع .. كانت كتعنف بنتها و حارماها .. المهم مشافهاش شريكة عمره و وصل بيهم الحال للي هوما عليه ..
دوات نادية متدخلة بصوت نسائي للنسا : ان شاء الله دخلتنا تكون بالربح .. الى بغيتو هاداك هو النهار الكبير عندنا .. حنين فحال بنتنا ميخصها خير انشاء الله ..
كمل منعم بدون حرج : غنهبطوا للتحت .. تشاوروا و اكون خير ان شاء الله.. كنساينو جوابكم ..
.. ضار هابط و هابطين معاه حتا لمياء و مها مخليينهم اتشاوروا على راحتهم هبطوا كيهضروا فالطريق ..
YOU ARE READING
حنين
Romance" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...