حنين غا تفارقات معاه و خرجات دازت لمكتب جينيكو غتكون تحت مراقبتها و تعليماتها فما يخص الأشياء للي جامعاهم .. دقات فمكتبها عطاتها الإذن و دخلات
حنين : بونجوغ
الدكتورة : بونجوغ بنتي تفضلي (كلسات حنين بعد ما شكراتها) bon شفت وريقاتك و أمورك عندنا كلشي مزيان .. (كتقرى فالوراق) الوغ مدموازيل حنين روح متقي ياك ؟
حنين : وي دكتور
الدكتورة : غنكون مراقبة ليك فلا بخومييغ سومين باغ غابوغ للأشياء للي جامعة بيناتنا .. حسبيها سطاج فأرضية حقيقية .. يامات الفغماسيوه نسايها دابا غتبدا البخاتيك أ روح غتبداي رسميا حياتك المهنية ..
حنين بعينين كيبريو بالفرحة : كنتمنى نكون عن حسن ظنكم ..
عطاتها الدكتورة يدها باش اتسالموا : مرحبا بيك معانا عامة و معايا خاصة ههههه
حنين بحماس : هههه شكرا ليا الشرف ..
و دعاتها و مشات بعدما خلات معاها واحد الفرملية من ليكيب ديال ديالها كتوريتها كاع داكشي الي خاصها تعرف من القانون الداخلي حتا لفين جات الطواليط دوراتها مزيااااان .. من غير هدشي تعرفات عليها و دارتها زميلتها و صاحبتها فالخدمة .. حطاتها امام الصور و الأمور للي خاصها تعرف على كل حاجة .. نهارها الأول داز غا فلوبسيغفاسيو/observation غا كدخل تحضر لولادات ديال بعض النسا و تسمع لشنو كتقوليها الطبيبة
اما عند عيسى داز عندو نهار عادي .. رجع للدار لقاها خاااوية و حس راشد مكاينش .. بدل عليه داز للماعن غسلهم و دار ليباط كيتسلقو و كيقاد ليها لاصوص بلونييز .. مرة مرة كيغيب و كيسول راسو كون مكانش هادشي للي طايح فيه راسو واش كان غيتزوج و لا لا ! كي ايدير امسح الأفكار من على راسو اتهننى ...
دازت خمس ايام ..
مرة مرة كيتلاقاو فالسانسور .. بيناتهم السلام فقط ! من تما كل واحد كيقلب وجهو على لاخر مكيتفهموش لبعضياتهم .. الهضرة ديال زواجو خصوصا بعدما رجعات كوثر دارت بوووم .. بالفرحة للي تلاقاتو كتقولهالو .. و هاهوما اليوم تلاقاو فالسانسور و قبل بيومين من كتب كتابو للي قرروا يديرو حفلة صغيرة فالعشية ..
كيفكر و كيشوف كي ابدالها الهضرة و اعرضها جاتو حشومة سامعة الخبار و بيناتهم معرفة واخا خفيفة و اخليها مع البرانيين .. خدا قرارو و غا جا اهضر تفتح السانسور .. خرجات و خرج معاها جبدها شادها من طابليتها فالكولوار حتا مشات و جات .. جات تعرعر هي تلقاه قبالتها و هي تسكت ..
عيسى كيحك لحيتو كالعادة فاش كيتوتر : حمم ان شاء الله داير حفلة د العقد عندنا نهار الحد مرحبا بيك حتا نتي غيكونو صحابنا للي خدامين معانا و العائلة قليلة .. كنعرضك شخصيا .. مرحبا بيك
حنين بعدات عليه شويا بإتزان كتهضر : مبروك عليك شكرا على الدعوة (جات تمشي)
عيسى قبل متحرك من حداه : غتجي ؟
ŞİMDİ OKUDUĞUN
حنين
Romantizm" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...
