حنين

بارت ٥٠

ليلة قبل نهار اليوم الموعود وصل .. العائلة الصغيرة مجموعة و ريحت الضيم مخيمة على الجو معاهم حتا عائلة نجية ..
الظلام قريب اطيح كالسين بيناتهم كيشربو اتاي .. حتا تدق الباب .. ناضت حنان بلا عكز فاتحة الباب .. ضحك خاطرها و تفاجا قلبها ..
املهم جا ..

"عيســـــى"

واقف قدامها هاز وراق فيديه شاف فيها ضاحك : لاباس .. بغيت نهضر مع ختك .. (سكت شويا حك لحيتو) مع روح

سمعو مصطفى ناض فتح الباب مزيان مدخلوا مسلم عليه : حشومة تبقى واقف فالباب واخا معرفت شنو .. راك ولدي قبل كلشي اعيسى خليها فبالك .. راك ولدي ..

- عارف اعمي الله اكبر بيك ..

شاف فمنى بالخف هي للي وقفات سلمات عليه و شير للكل من بعيد .. شي عارفو و شي لا
- طلع اولدي عندها راك عارف بيتها .. راها باقا على ذمتك سير ..

حرك ليهم راسو طالع مشتاق كيقول امتى اشوفها .. موحشها بالجهد كيفراني راسو شهر و مقدش على بعادها .. مرة مرة اعيط لحنان تعطيه خبارها و لكن الكبدة صعيبة .. حاسبها بنتو ماشي مرتو .. طريق جاتو طويلة هوما غا دروج كبار محسوبين على رؤوس الأصابع .. القلب كيضرب بالجهد باغي اوقف ..

باراكا كان الاشتياق خانقو .. و باراكا كان كيشوف الدنيا خاوية بلا بيها ..

وقف قدام الباب للي كان مردود شويا كيشوفها من الشقة ديال الباب كالسة فالارض كتجمع حوايجها .. دق حتا فتح الباب داخل عندها و سدو من موراه .. شافتو وقفات هازا تريكو فيدها حتا وعات على راسها و حطاتو رامياه فوق الباليزة ..
بلا حم و بلا دستور مشا عندها رامي الوراق من يديه .. جابدها عندو معنقها كيشم عبيرها و ريحتها العفيفة للي ساكننة عقلو .. حاولات تبعد منو .. حاولات تقاوموا مزير عليها جاتها البكية حسات فحال إلى خانقها .. دمعة و جوج مبغاش ابعد منها .. حتا تهدات يديها تطلقو فحال شي روبو تسالاتلو الحجرة ..

حس بيها شافها هدات فيديه .. تفك منها كيساري عينيه على وجهها .. نطق بقهرة على حالهم ..
- بغيتي تمشي امم ؟ و لم غتخلينا ؟

حنات راسها و ميلات عنقها كتشوف فالأرض تالفة :
- بغيت نمشي .. فمرة ..

بالغدايد بقا كيشوف فيها و هي حناية راسها ...
- شوفي فيا و قوليهالي .. (بشك) هزي عينيك فعيني و قوليها ..

هزات عينيها بإنهزام بعدما عقلها كيدابز مع عقلها متخضعش ليه .. بضعف لنفسيتها و بزعزعت استقرارها ..
جات تدوي فاتحا فمها شويا حتا تلقا لكلماتها بقبلة دفيييييينة مباغيش اسمع لشنو كتقول .. بغات تنتر منو والو .. شادها شدة وحدة ..
شحال قدها تقاوم ..!

رخات يديها .. حاطاها على لحيتو و غادا معاه فوتيرتو .. سكرها المسخوط مشا ليها لنقطة ضعفها .. الشهوة فاقت .. دارتها بيها متلفاها .. قبلاتو فذاتها و يديه و كلامو للي كيعبرو على اشتياقو سافرو بيها .. كنفرو مرة حتا كيردها ليه مغيبها .. كلوا امل و كلوا ترجي ..